زوجي قلي مبارح بكرهك كيف اتصرف ؟؟؟؟؟؟؟؟؟؟

السلام عليكم ورحمة الله وبركاته

انا يا بنات عمري 24 سنة متزوجة من 8 سنوات ونص ( تزوجت صغيرة) للاسف من ابن عمي عمره 32 سنة وعنا بنت وحدة عمرا سنتين ونص
المهم انا وزوجي:arb: علاقتنا متغيرة من بعض طبعا اله سنتين بيحكي مع بنات على المسنجر كنت اكون جنبه وما يراعي شعوري بالمرة اعد ابكي بصمت قدامه:icon33: وما يعملي اي اعتبار ويصير يضحك ويقلي عم اتسلى ؟؟؟؟؟؟؟؟؟؟؟؟؟؟ كنت احط ملح على جرحي واسكت :44:بعدين ما عاد اقدر اتحمل قلتله والله لاشكيك لاهلك (طبعا ما قدرت اشكي لاهلي لانهن ببلد تاني) شكيته لامه واخواته صاروا يضحكوا علي ويقولولي بيتسلى ومستحيل يتزوج عليكي ويضحكوا علي ................. وسافرت عند اهلي غيرت جو ولما رجعت فتحت سجل المحادثات ولا كله اسماء بنات ورسائل حب وغرام .:angry:......راجعته وقلي انه كان بس يتسلى (غاب القط العب يا فار) زعلت منه طبعا صالحني ووعدني انه ما عاد يحكي مع حدا وانه بحبني الي وبسسسسسسس بس انا لاحظت على زوجي انه تغير معي كتيييييييير بطل يحبني متل الاول بطل يسال عني او يهتم فيني
من 10 ايام صارت مشكلة تافهة مو مستاهلى احكيلكن عليها وانا بعد المشكلة ب 3 ايام هديت وفكرت قلت انا بحب زوجي ولازم اصالحه مع انه هو غلط علي بالاول حاولت اتقرب منه بالليل(بالفراش) صدني؟؟؟؟؟؟؟؟؟ انا هوووووون استغربت بالعادة بس اقرب منه خلص بنتصالح
تركته يومين طبعا ما بنحكي ولا كلمة ولا احكي معه بيتنفتر فيني وبيجاوب على اد سؤالي؟؟

وحاولت مرة وتنيتن اني اتقرب منه بالفراش بسسسسسسس (بيرجع بصدني)
واخر شي قلتله انتا بتحبني ولا بتكرهني
قلي:arb: بـــــــــــــــــــكرهــــــــــــــــــــــــــــــــــــــــــك
لانك بتكرهيني قلتله مين الك اني بكرهك قلتله انا بس حقدت عليك الفترة هي من تصرفاتك اللئيمة
رجع قلي انا بـــــــــــــــــــــــكرهـــــــــــــــــــــــــــــك

تركته ونمت وقمت وانا عم ابكي

خلص حسيت حياتي انتهت معه شكيت لاختي همي وقلتلا انا ما عاد طايقة العيشة مع زوجي بدي انفصل عنه قالتلي لأا اوعك بنتك حرام عليكي وعمرك يلي راح معه واهلي حينجنوا اذا دريوا وكلمة الطلاق مو سهلةوالمجتمع ما رح يرحمك بالمرة وخصوصا انه من عيلتي (ابن عمي )

بس يا بنات اذا جوزي مو طايقني وبيكرهني شو اعد اعمل معه؟؟؟؟؟؟؟؟؟؟؟؟

وهديك المرة قرات بالمسنجر انه كاتب لابن خاله انه بدوا يدورلوا على حماية جديدة(يعني يتزوج)
ما بعرف اذا هو كاتب هالكلام لحتى شوفه ويستفزني وغار ولا عن جد؟؟؟؟؟؟:44:

ملاحظة مرة قلتله مو بدك تحكي مع بنات على المسنجر لتتسلى وبتحكي معن حكي عادي على قولك اي اعطيني الباسبورد وبوعدك اني ما بدخل بنووووووووووب بس خلي وراقنا مكشوفة على بعض وقلتله متل ما انابترك مسنجري مفتوح لتشوف اول باول الاسماء يلي على قائمتي وانا كمان بدي اشوف اسماء البنات على قائمتك تصوروا شو عمل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعطاني بسبورد خطأ عمدااااااااااااااااااا (شايفين اللئم لوين وصل )المسنجر والياهو والاسكايبي كله كذب بكذب ارقام غلط وبس راجعته صار يضحك وقلي اي مو مزبوطين :angry:

حسبي الله ونعم الوكيل
ولا حول ولا قوة الا بالله

شو اعمل ساعدوني لا تقولولي ادعي واصبري ومن هالكلام

انا بدعي كل يوم وصابرة والحمد لله وملتزمة والحمد لله بعمري ما قصرت مع جوزي وانا على دين وخلق وقدر من الجمال والحمد لله وبشهادة الجميع باني ست بيت من الدرجة الاولى والحمد لله حتى هاد راي حماتي فيني مع انها ما بتحبني كل هالحب بس بتمدح بنضافتي وتربية بنتي قدام الناس

آسفة للاطالة
الله يخليكن انا على احر من الجمر ردوا بسرعة