السلام عليكم
كيف حالكم اخواتي..؟
بقولكم قصتي انا اعاني من تعامل زوجي معاي بنات انا زوجي يقرب لي ولد عمي وهو مش حامل جنسيتي هو يمني وانا اماراتيه ربي ارزقنا ببنت بعد 6 سنوات الحمدلله على فضل ربي والحين حامل انا اشتغل وزوجي طلع من شغله لانه تمشكل معه المسؤول وسوا له حلال يبيع فيهم ويشتري المشكله يا اخواتي انه زوجي بعد ما صار عمر بنتي اربع شهور صار يتعذر ببنتي يقول ما تخليني انام ويزعل ويروح ينام في المجلس وانا ارحمه وانا بعد يكون عندي دوامي وخاصتا انا دوامي حكومي وهو دوامه حر ومره يروح ومره لا على كيفه يداوم لانه شغله هو واقول ما عليه تحملي وانوم بنتي وتقوم كل اشوي واروح دوامي وانا هلكانه وارجع البيت انام اشوي الظهر اخلي بنتي ساعتين عند الخدامه اطمن لانه انا ساكنه في بيت اهلي عندي جناح خاص فيني اخلي امي اتراقبها ..
يا بنات اول معاناه الرجال تغير كثير علي من نواحي كثيره اول شيء نومه في المجلس ودايما يتعذر ببنته انها ما تخليه ينام وهي مسكينه اتنام بس طبيعه الطفل يتحرك كل اشوي وهو ما يجي نوم يتم يطالعها..
ثاني شيء لو طلع مكان وكشفته اكثر من مره لو اتصلت عليه يقولي انا في بيت فلان اتفأجاة انه الرجال ما كان موجود عندهم معه اني اكلمه واناعند باب هالناس اروح بسيارتي واشوف لاني لاحظت زاد الكذب كثير اقول في خاطري ليش انا شو سويت لك علشان تكذب علي ارجع وقلبي مكسوووووووور منه ما كان كذا ابدا تغيررررر كثير زوجي من جبت بنتي ..
وغير كذا يشرب بيره واتهاوشنا بسبت هالموضوع كثير وصار ما يشربها الحين الا بالسرقه وطبعا ينام في المجلس ويجي متأخر يعني ماخذ راحته يجي الساعه 2 او 3 وهو شارب المهم اني انا ما اشوفه شارب علشان ما نتهاوش ...
ثالث شيء الي قهرررني اليوم اني اسمعه يكلم زوج اختي الي في السعوديه ويقوله انا جاي السعوديه قاله زوج اختي خلاص وبالمره بنروح من السعوديه للمغرب ترى اخو زوج اختي ماخذ مغربيه فوق حرمته السعوديه وهو رايح الي متزوج المغربيه واخو الي هو زوج اختي يبي يروح وزوجي متحمس معاهم وشاد حيله وانا كنت اسمعه وانا جالسه في الصاله وهو في الحوش وانا اغلي من داخلي لانه يا بنات انا حامل الحين ومقررين لي عمليه بعداسبوعيين عمليه ربط لعنق الرحم وهو جالس يفكر في سفرته انقهررررررررت لانه يا اخواتي يكفي اني انا صابره عليه وعلى حركاته وصح نسيت اخبركم لو اتصلت عليه ما يرد علي بسرعه لو كان برا البيت بعدين هو يتصل ويكون صوته مثل المرتبك واذا قلت له ليه ما رديت يقول كان عندي خط احسه كذااااااااااب احسه يروح اماكن مش تمام انا حاسه فيه لانه الرجال متغير كثير
وغير كذا انا الدكتورة من احمل تمنع الجماع لانه انا اجهضت قبل حملي ببنتي ولد ومانعتني من الجماع
والحين يوم اني سمعته اجه يقولي انا مسافر للسعوديه وهو مستااانس يسولف لي ويقول من السعوديه للمغرب وانا اولع اقوله شووو ليش ان شاءالله رايح المغرب شو لك هناك في احد من اهلك زعل وولع قال كيفي وانا الي بسووويه مو لازم اصلا اقولج او اخذ رايج فيه وانا اقوله اوكي رووووح الله لا يوفقك يـــارب ويزعل ويرفع صوته يقولي بروح كيفي وبتشوفين بكره رايح اودي جوازي السفاره قلت له بتشوووف زين روح قال بروووح انا كيفي وبراي وراح وخلاني اولع من القهر انا اعرف زوجي عيونه زايغه اكيد بيروح بيلعب وبيجي بيحلف بيقول ما سويت اكررررررررررررررهه الرجال الكذاااااااب ليه حظي انا كذا يارب
قوليلي شو اسوي الله يخليكم شوفوا لي حل
ودعواتكم لي لأني ناويه اني ما اعطيه وجهه ولا اكلمه حتى لو سافر واتصل ما برد عليه ولا بسلم عليه لو رجع علشان يتأدب
REEM ALSHOQ @reem_alshoq
عضوة جديدة
يلزم عليك تسجيل الدخول أولًا لكتابة تعليق.
الولف غلاب
•
والله.. مدري شقولك..ماتقدرين تمنعينه..بس صارحيه قوليله وش موديك المغرب ؟؟وقوليله لاتخرب بيتك وتشتت أسرتك بيدك..والمغربيات وش يبن الا الفلوس حسبي الله عليهن السعوديه امتلت منهن
الصفحة الأخيرة