زوجي قهرني ...ارشدوني

السلام عليكم كيفكم حبيباتي

اتمنى ترشدوني وتعتبروني اختكم

انا ماعمري كتبت عن مشكله بيني وبين زوجي لان حياتنا ولله الحمد مستقره وهادئه وتحصل بيننا خلافات بس ع طول نتصافي بس هالمره طوووول الموضوع...

من خمسه ايام كذا كنا صافي يالبن واولادي نايمين وانا كنت اشوف مسلسل وكانت اخر حلقه ومندمجه المهم زوجي كلمني انو حجز بفندق ليلتين بولايه قريبه مننا تغييرا للجو وعشان يبدء دراسه ونفسيته مرتاحه... وانا فرحت وانبسطت لان هاليومين يصادفو مناسبه مهمه جدا بحياتنا...

المهم بعدها جاء بجنبي و........طبعا والله العظيم ماكان قصدي اصده بس ضحكت ع لقطه حصلت بالمسلسل وهو سوا لي كف خفيف برقبتي وبعدني عنه وقال سديتي نفسي وانا وربي العالم مندمجه بالمسلسل ولا عمري ماصديته ومنعته عن حاجته المهم رجع عمل حاله طبيعؤ وبنتكلم وخلص المسلسل وقال جيبي لي المخده انام ع الكنبه احيانا لمايكون فيه ارق او شي يطلع بالكنبه ولمااقوم الفجر اصلي اصحيه ويرجع ينام عندي وبعدها رحت غيرت ثيابي و قلت له مابقدر انام وانت مش راضي عني عمل حاله انه ناسي الموضوع وقال ليش ايش حصل اساسا انا ناسي بس مافيني نوم ولو بدخل عندك بزعجك ومارضي يدخل معي

ثاني يوم الصباح كان عندي موعد ع الساعه9عند الطبيبه وماصحيته شفته نااااايم صعب علي اصحيه وبعدها قام وقال ليه ماصحيتيني وكذا وبعدها راح الشغل وسلمت عليه ووادعته عند الباب كالعاده...


وبالليل جاء والبيت مبخر وانا ع اخر شياكه والعشاء سويت 3اصناف وهو قالب علي بس مبين لي انه مش ع باله الموضوع ابدا...وهو حتى ماتغزل فيني كعادته ولايبي يشوفني وقعدنا نتكلم فجاه مسكت تلفوني واللع نط لي وقال انتي ومين وريني قلت له انا واختك قال وريني كانه مش مصدق وانا تضايقت وانقهرت يعني مش واثق شوي ويقول جيبي مخدتي بنام ع الكنبه وجبتها له من سكات ودخلت نمت

ورحت ثاني يوم المعهد وجيت الظهر وكالعاده هو يجهز الفطور وينتظرني او لمااجي ونفطر سوى لكني تفاجات جيت وهو بيفطر ولابس ثيابه وبيروح العمل ولا استقبلني كالعاده حتى مالفت وجهه يشوفني وانا قلت معليييييييييييش وعديتها

واتصلت عليه ومارد وارسلت له واتس جمعه مباركه ورد علي بعدها بساعتين...وروح وانا كعادتي بيتي نظيف وانا متشيكه وابتسامتي شاقه وجهي والعشاء جاهز بس برضه مكانه قالب علي..ونزل للقهوه هو واصحابه نص ساعه وطلع وانا اساله وادور كلام واضحك معاه وهو قااااالب وبعدها تختي ارسلتلي بالواتس جيت افتحه نط لعندي وقال انتي ومن هذا اصبح مرض حركتك ومسكتك للتلفون تجيب الشك هذا وانا بالبيت كيف لمااكون طالع قلت له انا واختي وهو يصرررخ وانا ساكته لماخلص كلامه قلت له اتطمن ماعندي حد غير خواتي وهذا وقت فضاوتي وخذ بنفسك اتاكد من كل المضافين عندي وللعلم انا ماامسك تلفوني الا اذا لقيته مشغول وهو كان ع لابتوبه يعني لابيشوفني ولابيكلمني وقالب علي ايش اسوي


مش متعوده ع هالشي واول مره يطول بيننا الزعل ع شي تافهههههه

وهو يدري اني مااقصر معه وقبل لايطلب الشي يلقاه قدامه ورغم دراستي والاولاد الا انني مااتغير عمره مارجع ع البيت ومالقي عشاه او شاف بيته مش مرتب او اني مااكون عند الباب استقبله واكون ع سنجه عشره وادور رضاه باي وسيله...لانه دايما يرضيني وطيب معاي وكريم وحنون جدااااا ويخاف علي لوحتى الدوره تجيني مايروح الشغل عشان ينتبه للولاد ويخلي باله علي يعني فيه مميزات كثيره خلتني احترمه بهالشكل واطيعه وغير كذا مايترك صلاه وماعنده خرابيط الشباب ويخاف الله فيني وفي عياله وماعمري مد ايده علي بالعكس بيننا احترام وحب كبير بس والله بعدما شك فيني امس احس ان كل شي انكسر قدامي وبكيييت وغرقت وسادتي دموع من القهر..حتى دايم اذا شافني زعلت او بكيت يجي يراضيني فورا...وبعدما دخلت غرفتي هو كان يذاكر لاني كنت اسمعه ومنتظره يجيني واول ماصحى الصباح دخل غرفه الاولاد ينام


المهم اطنشه يابنات ولاكيف ماابي اعتذر لاني ماغلطتتتتتتتتتت وكيف هل اقوم بواجباتي كالعاده ولا اطنش عشان يحس فيني...

والله ماعندي غيركم انتم خواتي بهالغربه انا انسانه كتومه ومااحب اطلع اسراري لحد..


الله يوفقكم ردو حتى بالدعاء ان ربي يصلح مابيننا