اكيد هو مو جالس غصب عنه عندهم صح !
اكيد الجلسه حلوه وبينهم سوالف وصنيه داخله وصينيه طالعه توسع الصدر مع سوالفهم ،
ولا بالعقل بيجلس من العصر لين وقت النوم وهو مو مستانس ! وياخذ بنوتتكم بعد تتونس ويشوفوها !
وبعدين ليش يا حبيبتي تتخانقي معه بسببهم
لا هم جالسين ببيتك فوق قلبك ولا هم مكرفينك توجيبات لعيونهم ،
انتي الي خالقه منهم مشكله
وجالسه تآكلي بحالك وتحرقي بااعصابك وتتخانقي مع زوجك وهم ماقربو صوبك !
وكيف يعني زوجك متغير عليكي من جيتهم !
يقولك ملاحظات باين انها من سوالف الحريم ! ولا لا ؟
وكمان يا قلبي ليش ماتطبخي ! مو معقوله انتي
ترى كلامي معك زي اخت لا تتحسسي منه !
حملنا وكان عندنا فقر دم ونفسنا ومازلنا نطبخ وناكل ونوكل ازواجنا معنا واطفالنا !
يعني انتي ماتسوي له لا غداء ولا عشاء !
حبيتي ترى الرجال يحب السنعه الي قد حالها ومدبره امور بيتها وزوجها ونفسها
الي بيتها عامر وله حس ، الي تطبخله وتقهويه وتوجبه كآنه ضيف عندها
ويصير يستطعم اكلها وجلستها ، ومايعرف يآكل الى ببيته ومن يد زوجته !
يفقدها لو غابت عنه او هو راح لااي مشوار حتى لو عند اهله ،
وبالنسبه للتمشيات يابنت الحلال منتي ميته لو ماطلعتي ولا تمشيتي بالعيد
لا تخلقي مشاكل تافه تآثر على علاقتكم ،
وزوجك ليش مو راضي انك تروحي لااهله ! معقول عيد وماعيدتي عليهم !
ليش ماتحاولي تحسني العلاقه بينكم لو الامر في امكانيه !
ليش ماخذه وضعية المتفرج !
ليش ماتحسسي زوجك بطيب معدنك وصفاء نيتك معهم !
اقرصي على نفسك شوي وخلك ذكيه
اذا ماتبي تشوفيهم لاتمنعي زوجك ولا تحسسيه بهالشي
سوي قهوه وحلا وارسليه معه لهم وتحججي بالحمل وتعبه وقوليله يسلم عليهم وانك تعبانه من الحمل ولا كان رحتي بنفسك لهم
ان شاف زوجك وحس بكرهك لهم بيصدق اي شي يقولوه عنك له
لاانه شايف بعيونه تصرفاتك ومقارناتك وعنده قابليه للتصديق ،
وكمان شيلي من راسك انو اذا اهلك مو موجودين معك بنفس المنطقه
لازم وفرض على زوجك يعوضك عن غيابهم ويتفرغ لك !
لاترهقي علاقتكم بالمطالب الزايده
واكتفي بذاتك بلاش حساسيه واحلام ورديه بهالنقطه .
خلي زوجك هو الي بحاجتك دائمآ ، مو انتي الي بحاجته ،
.
.
.
.
.
لاتجبي نكد لنفسك وتخربي بيتك اصبري دامه يوم ويوم ايعوضك بعدين وترى كثرة اشكوى من اهله بتبعده عنك انا اعرف انه عيد والله انه يقهر بس لهي نفسك باي شي اطبخي طبخ خفيف مافي تعب او اطلبي ياكثر المطاعم ويصلوه لعند لباب الله ايسخرلك زوجك ويهدي اهله
والله انك شايله عليهم بقلبك وللحين مانسيتي تري عادي اذا طلعتي معاهم وزوجك يحق له يجلس مع اهله اذا بيطلعون اطلعي معاهم عشان زوجك وعيدي على امه من باب حبك لزوجك وبالنسبه للاكل ياكثر المطاعم حملي تطبيق هلوفود اوطلبات كوم واطلبي وانتي في بيتك تري كلها يومين وتعدي ويرجع زوجك لك لا تضغطين عليه اذا ماتبين تروحين معاهم روحي عند اهلك غيري جو او اشغلي نفسك بااي شي الله يحفظك ويقومك بالسلامه تري الزعل بيتعبك
الصفحة الأخيرة
واللي تقول انهم مايحرضوه الا يحرضوه والدليل انه كان يعطيهم بنتي يشوفونها ويقعد نص ساعه ويرجع
وانا اتفاهمت معاه بهداوه وبكلام حلو مليون مره انه عادي يروح لهم بس كمان مثل مايمشيهم يمشيني بس هو راح ولا رجع
اللي تقول اصبري هذي الايام لهم وباقي السنه لك انا طيب اقعد بين اربع جدران وكل الناس معيدين وانا بالبيت لحالي وهو يتمشى مع اهله وش ذا العيد
انتوا ماتدروا هم وش سووا فيني قبل شهور لو تدروا كان عذرتوني
بالمختصر قذفوني وقذفوا امي وقالوا اني سحرت ولدهم وانني قذره وكلام لايرضي الله ويتكلموا علي عند الناس كلهم شوهوا بسمعتي وسمعة امي وسمعة اهلي وكانوا اربع يحاصروني ع المطبخ ويخبوا علي الاكل لدرجة صار وزني 33 حتى الحمام اكرمكم الله يحاصروني عليه ويفتنوا بيني وبين زوجي وكل يوم مشاكل انا وهو بسببهم
قسم بالله ما اكذب عشت معاهم 7 شهور ذقت انواع العذاب حسبي الله ونعم الوكيل