بسم الله الرحمن الرحيم
احترت وين مكان الموضوع بس قررت احطه هنا
بنات بقولكم على قصتي وابي اعرف انا غلطانه او لا
تكفون ساعدوني صار لي اسبوع بس ابكي ماني عارفه وش الحل
بدخل بالموضوع
بنات انا قبل اسبوع اترقدت بالمستشفى لانه قالو عندي نسبة سكر
وجلست يومين وطلعت لانه كل شي تمام
المهم زوجي كان متفق مع امه واخته ياخذهم معه للرياض عشان يعرض امه على دكتور
وهو عنده دوام
طبعا لمن اترقدت اجل الروحه وقال خلو اخوي يوديكم رفضو قالو مانبغا غيرك انت وزعلت عليه امه وقالت اهم شي عندك الحرمه
رغم انه الموعد عادي يتاجل بس الولاده اذا جت ماتتاجل
او اخوك الكبير
وبما انه سلفتي على وجه ولاده قالن مانبي زوجها يتركها
ومن دخلت شهرها وهن بس يقولن لزوجها مايروح يجلس عندها
الحين انا لي اسبوعين بالتاسع
وراحو الجمعه مع واحد من عيالهم رماهم بالرياض ورجع
وزوجي طلعني من المستشفى يوم الاثنين من اسبوع تقريبا وعلى طول مشى بس جهزت له اغراضه وراح
المهم قال بداوم واجي يوم الاثنين الي هو امس
طبعا له اخو متزوج وموظف بالرياض وينزل عندنا بالدير خميس وجمعه
المهم امه راجعت المستشفى وقال لها الدكتور تراجع ليوم الخميس
وزوجي خلص دوام وجالس مع امه
قلتله خل اخوك يراجع بهم وانت اطلع لاتتركني
طبعا احنا بقريه واقرب مدينه قرابة 100 كيلو تعرفون لو بتجي الولاده 100 كيلو مشوار اخاف اولد ماوصلت وانا بكريه
المهم نرجع للموضوع اخوه رفض قال مالي دخل في امي واختي انا عندي دوام وقسم انه نصاب دوامه استلام يعني بيجلس بالبيت فاضي باليوم واليومين
اخوهم الكبير ولدت زوجته الجمعه وراح للرياض بعد ماولدت قلت لزوجي كلمه يراجع بامه وانت اطلع
قال مو فاضي !!
بنات راح اتجنن
وامه واخته ما استحو وقالو للعيال اخوكم زوجته مو بعيد ومحتاجته لا مبسوطات ويقولن مانبي غيرك
البارح تعبت جاني اسهال وانتو بكرامه بالليل ع الساعه 1 مانمت غير 3 حسيت بالم بضهري وباسفل بطني
جلست ابكي على حالي
المشكله انه جبت شغاله بالشهر ورفضت تجلس ببيت اهلي واضطريت اجلس ببيتي
حاسه اني وحيده
اليوم احسن شوي بس نفسيتي مره زفت
رفضت اكلمه اتصل علي ومارديت اتصل على امي وقال بنتك تبي تتحكم يارب ارحم ضعفي
الحين الي تبي زوجها جنبها تكون تتحكم فيه
قسم اخوي وولد عمي اخدين اجازات اول مادخلن زوجاتهم الشهر التاسع عشان يكونو موجودين
يقول زوجي لاتخافي اخوي الكبير يقول الله يعيني اذا زوجتك بتولد بوديها
تخيلو اروح مع اخو زوجي وامي 100 كيلو وفيني ولاده
ليه ماقال انا بجلس عند امي واطلع انت لزوجتك
يقول انت اجلس انا اودي زوجتك خير وش يحس فيه
بنات مادري وش اقول
تكفون نفسيتي زفت وخايفه اولد ماعندي احد
وارد على زوجي ولا اطنشه هو بيجي يوم الخميس حسب اذا خلصو من المستشفى
وهم حاطيني مابيه ينفع امه يقول لامي امي ماعندها احد ووين راح اخوك الي جالس بالرياض
وهم جالسين ببيت اخوه من ابوه وعنده عيال شباب واكثر ماكثر الله عندهم السيارات اللهم لاحسد
يعني بيودون عمتهم لانهم يحبونها
اسفه طولت وكلامي مو مرتب بس اكتب من القهر الي احس فيه :eek:
بـنـت مـامـا @bnt_mama_1
محررة
يلزم عليك تسجيل الدخول أولًا لكتابة تعليق.
سلومة نجد
•
يا اختي وسعي صدرك وان شاءالله مايصيرلك شي التعب الي تحسين فيه من نفسيتك انتي ارتاحي وماتدرين ربي يسهل ولادتك بسب بر زوجك لامه
بجد شي يقهر
مااقول غير هدي حالك الحين
الوحده لما تدخل تاسعها الحاله النفسيه تصير زفت والبكا اربع وعشرين ساعه على اتفه سبب>> مجربه
وزوجك غلطان بس الله يسخر لك ان شاء الله ولاتنسي تدعي ساعه الولاده ان ربي يهديه وادعيلي بطريقك هههههه
موفقه يالغلا
مااقول غير هدي حالك الحين
الوحده لما تدخل تاسعها الحاله النفسيه تصير زفت والبكا اربع وعشرين ساعه على اتفه سبب>> مجربه
وزوجك غلطان بس الله يسخر لك ان شاء الله ولاتنسي تدعي ساعه الولاده ان ربي يهديه وادعيلي بطريقك هههههه
موفقه يالغلا
الله يفرج همك ويسخرلك زوجك يارب
هدي نفسك لانو نفسيتك لها تدور في الولاده
روقي واستغفري كثير واشغلي نفسك بالدعاء انو ربي يسهل ولادتك
هدي نفسك لانو نفسيتك لها تدور في الولاده
روقي واستغفري كثير واشغلي نفسك بالدعاء انو ربي يسهل ولادتك
الصفحة الأخيرة