الرجل المعدد ملزوم بالعدل والا ياثم اجلسي معه واخبريه انه يجب عليه العدل بينكن باي طريقه كانت بس لازم يعدل ان شاء الله يوديها الخارج ماعنك مشكله يجلس عندها شهر مو مشكله بس لازم يعدل

حاولي تنبسطي اطلعي لا اهلك او مول او حديقه مع صحباتك وانشغلي عنه لا تشيلي هم وهو مبسوط
هذولا عياله ومن حقهم عليه يمشيهم صحيح تصرفه غلط لمن كذب عليك بس عاتبيه على هالطريقه لكن لاتعتبيه على انه مشى عياله
اتكلمي معاه وناقشيه انك تبين تسافري وتغيري جو وانبسطي معاه وعيشي حياتك

ذكرتيني بزوجة ابوي الثانيه


ماتتهنى ابد اذا شافت ابوي جاي عندنا والا مسفرنا يمشينا
هذا واحنا بناته وعياله وش ذنبنا .. نبغى ننبسط بالاجازات
لكن حسبي الله ونعم الوكيل
دسايس من تحت لتحت ومشاكل معه الما كره القعده معنا ومع امي وتطلقو وهذا انا ما اشوفه الا كل شهرين مره
ولا يهتم باخواني الا بالمصروف بس وعينها عالمصروف بعد
وش استفدنا منها الا الضياع والشتات
بس والله اني كل يوم اتحسب عليها من كل قلبي


فلا تصيرين مثل زوجة ابوي .. ترى زوجك ماراح مع زوجته وبس عنده عياال يحتاجونه نفسياً ومادياً
الحياة موب لعبه تمشونها على كيفكم .. فيه اولويات.. اطفاله اولى منك وطبيعي اذا بيسفرهم امهم بتكون معهم فلا تخربين فرحتهم يمديك بعدين تسافرين وقت مدارسهم

ياشين الدرعمة
هي لما تزوجته كان " مطلق "
وكانت زوجته رافضه الرجوع
وتصالحوا ورجعوا بعد ما تزوجته صاحبة المعرف


**************************

انتظري الين يجي ولا تاكلين بنفسك اذا اهلك حواليك اطلعي وانبسطي ومع صديقاتك
سوي نيووولووك " لنفسك مو له
وبدي كير ومنكير
واذا تبين مساج
المهم عيشي هذا الاسبوع باسترخاء


وبس يرجع
مدام ما عندك دوام ولا بنتك طالبيه بسفريه زيها وبنفس المدة
واختاري المكان و سافري معه
حقك
لا تولمين العصابة قبل الفلقة وتسوين مشكلة وفيه امكانية يرجع ويعوضك
واذا فعلا قصده انهم يداومون وهذا الوقت المناسب فمقصده منطقي
الطلاب مو أي وقت فيه امكانية يسافرون
خذي حقوقك بقدر الامكان بالتفاهم
وقد تكون هذي اول سفره لهم معه بعد رجعتهم له فأكيد متحمس ومشتاق لهم
اعرف انك متضايقة وتحسين بالغيرة لكن هذا ابوهم و هذا الواقع
فيا انك ترضين فيه وتعيشين والحمدلله مشاكلك مهيب اللي نسمعها من المعددين
فيه اسوء وامر مرعب ويكرهنا بالتعدد من شدته
و و ضعك يعتبر نسبيا ممكن حله وبالذات ان زوجك ما فيه عيوب اخرى الحمدلله

أنا حياتي تشبه حياتك
لكن انا مااتصل عليه نهائيا
ومرة اتصل وانا نايمة عند اهلي
اتصلت عليه بعدما صحيت كلمني بسرعة وبعصبية قدام عياله وقفل الخط بسرعة
اختي حياة المعددين كلها كذب و تمثيل
والله نويت اطلب الطلاق لكن ماراح استفيد شيء
راح اشتت عيالي على الفاضي
في النهاية اقنعت نفسي انه قدر
فعلا قدر مكتوب علينا قبل مانولد
والايمان بالقدر ركن من اركان الايمان


الان عايشة معاه جسد بلا روح
والحياة راح تنتهي
لذلك خليه ولاتسالي عنه
واهتمي بنفسك وعيالك هم ثروتك الحقيقية