زوجي كاتب استحق التفله..

السلام عليكم ورحمة الله وبركاته ..
كيف حالكم ان شاءالله انكم بخير عافيه
انا مدري اكتب لكم عباره عن فضفضه او غصه بداخلي او قهر ..
انا بيني وبين زوجي خلافات وتراكمات كثيره وبينا عشرة .. وفيها تدخلات كثيره يشهد الله باني طيبة قلب وباني انسانه محترمه .. تعرضت لاشياء خذلتني من زوجي ومن اللي حولي ولكن سندي الله ثم اهلي .. مابي اكتب التفاصيل .. لكن هو غلطان وانا اخر فتره بديت اغلط عليه والسبب هو وافعاله وضعطه علي .. وقررت اترك له البيت واروح لاهلي مع العلم كان بينا اخر خلاف وكان يعلم باني بروح لاهلي ولا فكر ياخذ ويعطي معاي او حتى يقول ايش فيك وايش اللي مكدر خاطرك او او او .. ذهبت لاهلي ولم يكلمني تقريبا ٢٠ يوم وعزت علي نفسي وبعدها اتصل مره ولم ارد عليه ردا لكرامتي .. خصوصا انه في يوم من الايام قالي لي انتي ماتهميني .. المهم اتصل ومارديت لا عاد اتصل بعدها ابدآ .. ومن بعد اتصاله مر تقريبا شهر ومافكر يجي ويشوف خاطري ابدا ( بكذا صار شهر وعشرين يوم من اتصاله ) بعدها جا وطلب من اطفالي يشوفني ماطلب من اهلي ابدا .. انا طبعا قررت الطلاق بهذا الوقت لما شفت انو مافيه مبادره تطيب خاطري وقلت لوالدي اني بخلاف معاه وابغى طلاقي وقال لي والدي طيب هاذي حياتك وقرارك ولما جا وطلب من اطفالي يشوفني ماطلب من اهلي انقهرت اكثر لهدرجه الاستهزاء والاستناقص فيني (كم مره يقول لي مايهمني اطلق شنب فيكم ) قلت قولو له امي ماهي جايه .. وقالو له واتصل علي بعدها مره ومارديت .. وبعدها بكم يوم والدي شافه بالصدفه وقال له يافلان فلانه تبغا ورقتها وهذا نصيب قال حاضر ( بكل برود وعدم اهتمام ) هنا انقهرت اكثر وتاكذت وقلت بقلبي خلاص انسان مافيه خير
مر شهر اخر من طلبي للطلاق ولم يطلق


مع العلم انا مسويه له حظر في الواتس والسناب .. ويوم كنت عنده كان السناب بس يطالع المشاهير ويشوف اقاربي واصدقاءه ومايحط اي صور او اي سنابات خاصه او او او ( متفرج فقط )
انصدمت قبل كم يوم واحد من اقاربي يسولف ويوريني سناب زوجي وكاتب كلام بمعناه انو فيه ناس تستحق التفله حتى يصبحون ناس ومن هالكلام ..
طبعا المقصوده مين ؟؟ انا ..
بتقولون كيف عرفت قبل تقريبا سنه حصل موقف بيني وبينه وانا كنت عند اهلي وكتب عني كلام بمعناه اني مثل الحمار وما افهم وهيك ..


ويوم رجعت له واجهته قال ما اقصدك اللي على راسه بطحا وجلس يضحك انا متاكده يقصدني لان مو طبعه يحط ستابات وكلام بالايام اللي انا عنده ولا يحطها الا بخلاف بيني وبينه واكون عند اهلي .. لما اكون عنده مايحط شي ابدآ سواء متراضين او متزاعلين ..




احس مقهوره لمتى الاهانه .. والى الان معلقه .. تاكدت مايحبني ولا يبيني ولا احترمني لكن لمتى التعليق اطفاله يشوفهم محد يمنعه لكن مدري ايش يبغى دام انا استاهل التفله وانا حمار مثل ماكتب