زوجي كرهني في جلسة البيت

كيفكم بنات لي فترة منقطعة عن المنتدى
موضوع يخص زوجي
زوجي وعدني يوديني دولة خليجية على نهاية الاجازة حقت المدارس نسافر
وفي نفس الاسبوع اللي بنسافر فيه ملكة اخوه انا قلت الملكة ماهي مهمة الزواج بعد كم شهر نروح كلنا ووافق بس من اسبوعين كل شوي يقول ما بنسافر ويعطي اعذار مره ما عندي اجازة ومره ما عندي فلوس وانا عارفة انه يبي يروح لملكة اخوه عشان كذا يعطي اعذار
لي معاه سنين اول سفر لي برى المملكة وهو اللي طرح فكرة السفر ويوم تحمست يقول مافيه
ذلني بهالسفرة بيطلعها من عيوني كنت فرحانة ومتحمسة لها
ثاني شى اخوه ملك قبل 4 شهور والله العظيم انه كل يوم يفتح سالفة ملكة اخوة طلعتنا وجلستنا ما عنده غير هالسيرة زوجي من النوع اذا فيه موضوع حصل في العايلة كل كلامه فيه طيب احنا وش دخلنا طقت روحي وكلها سوالف مكررة
وكلمته غير السالفة ويقعد يوم ويرجع في نفس الموضوع حتى من كثر ما يسال اخوه قاله انت مهتم في موضوعي اكثر مني وهذي حركاته كل ما احد من اخوانه تزوج يعيد ويكرر في هالموضوع
فكرت اكنسل السفر والله يعوضني ومحتارة
وكيف اخليه يترك السوالف اللي ما تخصنا اسولف معه بس كل يوم طفشت تخيلو قبل خمس سنين تزوج اخوه والله قعد شهرين يتكلم في زواج اخوه وبغيت اروح لاهلي من كثر ما تمشكلنا اهله ما يهتمون كثره بهالمواضيع
لدرجة اذا خطب احد اخوانه اشيل همه
موضوع ملخبط بس ياليت فهمتو علي