زوجي كرهني في عالم حواء

السلام عليكم ورحمة الله وبركاتة
مالي غيركم يا بناتمن بعد ربي

بناات انا تعبت نفسيا احس خلاص وصلت لمرحله اني اريد اطلب الطلاق وما باقي على زواجي غير 20 يوم تعبت والله
زوجي يحب يسيطر علي في كل شي ويحب يتحكم فيني وانا مثل العبده عنده في كل شي لازم اطيعه سواء مقتنعه والا لا انا مش من النوع العنيد اسمع الكلام بس باقتناع هو ابدا ما يقنع يقولي لاتسوين هذا الشي وخلاص بدون ما تقولين لا والمشكله انه اخواته مسموحلهم يسون الشي الي يمنعني منه اي شي
وصلنا لعالم حواء انا علاقتي بهالمنتدى ما تتخيلون كيف لازم يوميا ادخل ووقت فراغي لازم ادخل المنتدى استفيد والله ما اسوي شي غلط ولا ادخل غير مواقع الحريم او اي شي استفيد منه لكن للاسف مب مقتنع ابدا ويحلف يمين اني ما استخدم الكمبيوتر واتعب لين ما اقنعه انه يكفر عن الحلف واليوم صارت هالقصه حلف ما استخدم الكمبيوتر واقنعته اني اريد اشتري اشياء من البنات فالنت واقتنع انه يكفر بس عقب ما كفر زعل وسكر تيلفونه وقالي الحقي عن تروح عنج البضاعه والله قمة القهر والتخلف تعبت ما اقدر يقولي اصلا من الممنوعات الكمبيوتر في بيتنا
قولولي كيف اتصرف كيف اقنعه وانا ما اقدر استغنى عن المنتدى اصلا انا ما كنت اعرف شي فالدنيا الى بعد ما دخل هالمنتدى كل شي اريد اعرفه احصله اهني
قولولي يابنات كيف ؟؟؟؟؟ وادعولي انه الله يهديه والله ما اعرف سبب معاملته لي في كل شي ينتقدني بس لما يشوفني ما يتمنى انه يخليني

اللهم سخرلي زوجي