زوجي كسرني وانا كسرت البيت وقلبي مكسووووور

مرحبا بنات انا بهم كبير وزوجي عصبببببي ولسانه مفلووووت وانا حساسه واشيل بخاطري وهو احيانا يهجر بالاسابيع ويضخم الامور وصايرين رسمين مع بعض
قبل يومين قال لي ازور وحده من اهله لسى والد قلت بعدين ازوها لاني تعبانه هاليومين.. عصب علي وقال بلا دلع قومي كلها ساعه وترجعي البيت.. قلت طيب.. قال بدون نفس يعني؟ ومسويه نفسك مظلومه؟ انتي اصلا مافيك خير ولا تعرفي السنع زي اهلك اللي ماعرفوا يربوك الله يلعنك ويلعنهم معك.. (انفجععععت) قلت له الزم حدودك عيب.. قال طز فيك وطلع وتركني
بكييييت وثاني يوم جهزت بعبايتي المغرب حتى اروح لقريبته.. قلت له انا جاهزه.. قال لا خلاص اجلسي مانحتاج روحتك.. لو فيك خير اول ماسمعتي الكلمة قلتي سم! تركني وراح يشوف المباراه
لحقته وانا واصله حدي.. قلت من جدك ماراح توديني؟ قال مافي روحة اصلا انتي مو وجه توجيب وتقدير.. يتكلم وهو يناظر المباراه.. قمت يابنات حذفت التلفزيون من الارض وكسرته
ناظرني منفجع.. قال انتي اصلا مجنونه.. قلت انا اوريك الجنان.. رحت المطبخ رميت كل الصحون وكسرتها ودخلت غرفتي
لحقني يضرب الباب وانا قافله الباب.. جلس يصرخ ويلعن.. قلت له طلقني يا قليل الادب خلاص هبلت فيني يا النكدي طلقني الله ياخذ الساعه اللي تزوجتك فيها لا قدرت تعبتي ولا راعيتني وتشتمني وتشتم اهلي عشان وحده ماتدري عنك.. اكرهك
راح عن الباب وانا جلست بالغرفة ساعه ونص.. شوي الا اسمع صوت امه جايه! يقول لها شوفي كيف حياتي يا امي.. استغربت.. دخلها البيت تشوف الصحون المتكسره والتلفزيون المكسور ويتشكى لها مني! جلست امه تنصح وتعتب وانا ساكته ومستغربه تصرفه وكيف دخلها بيتي بهالوضع بعدين قلت لها ياخاله اول مره اسوي كذا بس انقهرت وطلعت حرتي بالتكسير لانه قهرني وغلط فيني وبأهلي.. طلعت هي وهو نام برا لا كلمته ولا كلمني