البنت وش تقرب له يوم انه متحمس يبيك تروحين؟؟
الله يفرج همك ويعينك ياكرهي للرجال اللي كذا
صبراً جميل والله المستعان ..

الغلط منك انا وانا اقرا استفزيتيني وشلون زوجك اللي شاف وعاش الوضع الله يعينه ترا كل اللي تسوينه بيجي فوق راسك والرجال ماينسى كان يوم قالك زوريها قلتي ابشر رحتي وجيتي بهدوء وكسبتيه وارضيتيه وش يضرك ...وبالنسبه لسبه لأهلك ردي بأدب وبيستحي انا مره زوجي رمى كلام عن اهلي قلتله جزاك الله خير اجل هذا رايك باهلي اللي محترمينك وعادينك ولد لهم ورحت وتركته بالليل جا واعتذر انه كان معصب ووقتها قلتله أن اهلي خط أحمر اتمنى ماتجيب سيرتهم إلا بكل خير وقتها ترضينا وقلت اللي بقلبي بعد ما جا اعتذر وكان هادي ..لو راده بوقتها كان كلمه منه وكلمه مني وبتوصل لشي مانبيه بوقت غضب ..ولعلمك الرجال يكرهك ويمكن يطلقك اذا شافك تكسرين اغراض بيته كل شي عندهم ولا الخساير انتبهي

ضحكتيني والله😂
اتخيلتك
بس الرجال مايحبو النكد
اذا هوا يضخم الامور صغيريها انتي
مرة مرتين يتحمل بس بعدين يدور ع وحدة تريحه بدال الازعاج

زوجك خبيث ..ولازم تصيري ذكية وتتصرفين بتصرف اذكى كويس انك قلتيله الزم حدودك لانه الرجل حلو الوحدة تطنشة بس في حدود لازم يوقف عندها وانتي غلطانه بالتكسير اللحين ممكن اَي شي يصير بينكم بيكون معاه الحق دايم وأنك تضخمين الأمور وجاب أمه عشان يثبت عليك الغلط استعيني بالله وصلي وادعي انه ربي يهديه لك وخليكي بااااااردة قد ماتقدر ي الرجال يموتو من البرود ويهدا مع الوقت ويرجع عقله في راسه بس استعيني بالله

ماراح اعاتبك بس فهمتي الان معنى كلام الله والكاظمين الغيظ
وقول الرسول ليس الشديد بالسرعة

اذا زوجك عَصّب الزمي الصمت واستغفري وحوقلي وبعدها ادعي لي معاك
سب اهلك اكثر من مره سجلي صوته وسمعيه أهله واهلك
الرجال كل شي عندهم في حياتهم الزوجيه يرتبط بالاحترام وفِي صغائر الأمور لو تركزين
كل الي عليك الان ادعي ربك في سجودك يصلحك ويصلحه
ورددي اللهم اجعل غضبه بردا وسلاما كما جعلت النار بردا وسلاما على سيدنا ابراهيم
ورددي اللهم ياولي نعمتي ياملاذي في كربتي اجعل ما اجد منه وأحاذر بردا وسلاما
وادعي وادعي
القلوب بيد الرحمن
عرفتي خطاك أتمنى ماتعيديه والحياه دروس
واذا جاء لاتعتذرين ولاتكشرين كوني عاديه اهم شي اشغلي نفسك بالذكر وبأمر الله بنفسه يعتذر منك او حتى يلمح
وللمرة الثانيه لاتنسيني من دعائك بعد ماتطبقين كلامي
اعتبريني اختك الكبيرة او حتى امك تتمنى لك الخير
موفقه حبيتي🌹