زوجي كل يوم اتندم بزواجي منه اكثر الله يشفي صدري فيمن ماهاب دعوة زوجة مكلومة

تزوجت وانا كان كل همي اسعد هالانسان واراعي الله فيه 
تزوجت وانا كنت اشوفه واتخيله شي كبير ومتوسمه فيه كل خير
لدرجة كنت اقول يارب اكون عند حسن ظنه والبنت اللي يتمناها 
عشت ايام رومانسيه وقت الخطبه والملكه مع نفسي وانا بس اتخيل مرجلته واسلوبه وذوقه مع ابوي واخواني
بعد الزواج اكتشفت
 انه كسول وضد دراستي ووظيفتي ومشاويرها 
طلعات مافي 
محكوره في البيت انحرمت حتى من شوفة الشارع والناس
ا كتشفت انه كان يسافر بحرين سوريا شرق اسيا ومن كم يوم المصيبة شفت له صور بالواتس اب لها سنتين بشقه ومعه تايلنديات وحده رايحه وحده جايه 
وعالطااوله كحول ومنيو مساج طب وتخير روسي سوري تايلندي الخ
وفرحان بالصور ومرسلها لكم واحد من اخوياه فرحان فيها وهم يعززون له ايوه كذا الفله ولا بلاش
مصدومة فيه ومستقرفه من كل ليله نمتها معه ولمسني فيها 
 وحتى بعد الزواج ماتاب راح لشقه مع شلة وجايبين من بنات ابليس وجالس معها وواجهته وطلعت بيت اهلي كم شهر وحلفلي انه مايعيدها ونزوه ومالمسها وووووو
 
حاكتشفت انه يدخن شي غريب جاي بقرطاس زي التمر المطروق زي الصلصال الاسود وتطلع منه زي الرول الاسود ومصورها مع باكيت دخان وشي زي الزعفران احمر ومرسلها لقروب وكل واحد يرسل مواهبه ويستعرض
كنت انصحه عن الدخان العادي والصلاة اثاري فيه مصايب كثيره

اشوف اقرابي اخواني كيف انهم مايعرفون شيي اسمه استراحه ولادخان ولاسفرات والصلاة ياويلهم من ابوي لو صلوا بالبيت الله يحفظهم  
واقول ليه استرخصت نفسيي ووافقت على واحد عارفه انه يدخن 
عارفه انه جاي يخخطب وهو في الثلاثثينات 
عارفه انه ماكمل دراسه
وكل هذي مفروض تكون علامات استفهام عليه لكن احسنت الظن فيه او يمكن كنت خايفه يفوتتي قطار الزواج وماوقفت عند هذي الاشياء
بينما انا وجماعتي مختلفين ومع ذلك وافقت 
كل فترة اتفاجا بمصايب جديده فيه 
انه ممكن يشرب كحول مع انه ماقد جا البيت وهو مو طبيعي سمعته بالتلفون يقول لواحد نبي نستكنن ومن الكلام اللي دار فهمت انه شراب
اتصل عليه واحد يبي شي وقال ماعندي وابو فلان يقول
 مخلص وفلان مقفل جواله شكلهم
 صادوه وعقب عاصفة الحزم صاروا يدققون الدنيا جفاف

يكلم هالرجال وانا نايمه جنبه وعارف اني اسمع وضامن اني مفهم وانا اتغابى واسوي نفسي مافهم بهالامور اناقشه بشكل عموميات وتحذيرات لكن بدون مابين اني فاهمه ان هالشي كذا وكذا عشان
مايصير هالشي بعدين عادي امامي وتنكسر القيود وهيبة الي قاعد يسويه من وراي كله امامي ويصير اللعب عالمكشوف وبدون اي حياء وخجل
كانت خياتي مختلفه تماما
كان اغلب وقتي
بوظيفه
باشغال فنيه
بقران
ببرامج دينيه
بمحاضرات احضرها
الان صار كل فكري متمحور حوله
وانه ينصلح حالنا ويترك هالسم ويحافظ على صلاته
كل ليله بدال ماكنت اسمعلي يوتيوب او اهتم ببشرتي وشعري
صرت افتح جواله واشوف وش فيه بلاوي
مره واحد رايح دبي ومصورله بنت ابليس روسيه وحاطها وغابنينه عليها
مره يتراسل مع واحد مقاطع قرف
واخر مصيبه شفت واحد حاط صور كحول ودخان الصلصال الاسود ويد بنت صدق وحاطها بقروبهم وواحد يبي يشتري منه الصلصال الاسود يساله باي حي



 وقاله انا بجي كذا وكذا انجنيت ودعيت عليهم دخلت على اسمه عشان انسخ رقمه وكتبت بياناته وبدال مانسخ اللي كتبت وارسلها لاسمي ارسلتها لنفس الرجل هذا ويدق على الجوال مرتين ولارديت ومن الربكة ادق انا بالغلط وزوجي نايم ويدق على جوال زوجي الثاني
مسحت رقمه والرساله من الجوالين والله ماذقت النوم من الحسرة على حالي ومن الخوف لو كلم زوجي اوقابله وقاله

مادري كيف اتصرف او كيف اعيش
ابي اشفي صدري فيهم نفسي تمسكهم الهيئه وتادبهم دامهم مايستحون من الله
نفسي بجيهم مرض يشغلهم بانفسهم  
كنت اتمنى رجل يستحقني وتفاجات فيه
زوجي سبق وقلتله انت عارف نفسك وعارف اني بنت ناس وملتزمة ان كنت غاشنا حوبتي مابتتعداك
كنت اقول لعل اذا جانا ضنا يتغير ويعقل ويستحي ويحس بالمسؤليه وينشغل بعياله
تفاجات ان كل اخوياه عندهم واحد واثنين وثلاثه ولا غير فيهم شي
زعلانه على حالي
محد يدري بالمصايب هذي من اهلي
دايم امدح الخصال  
الخصال الزينه اللي فيه وانا بقرارة نفسي اقول ربي اني مسني الضر وانت ارحم الرحمين
كل خوانه مالهم بالسفر والدخان والامور ذي ومكملين دراستهم وهو غير
اللي يخليني ارحمه واحاول اكون عون واقول فيه امل يتغير
انه طيب جدا ومو نذل يرحمني ويساعدني دايم  وخصال زينه بشخصيته الغريب انه اذا شاف برامج عن المخدرت اوالكحول يقول الله يحفظنا منها  متشدد علي بلبسي وعبايتي لكن للاسف نزواته وسيئاته موجعه او مو معتاده بمجتمعي تخليني احس بغربه وبوجع وحسرة وقرف الله لايجعله من الاعتراض على النصيب وقدر الله
 نصايحكم