عروس الشام :

ماني عارفة من وين ابدأ.. يا ربي الموضوع كل يوم يصير أحلى من اليوم يلي قبله هههه نور حبيت طريقتك في جر رجل زوجك لتخليه يفضفضلك.. أنا طريقتي غير بس الحمدلله وصلت لنفس النتيجة.. صح إني كثير أحيان أتكلم لحالي و ما في أي أمل أسمع أي جواب, و غالباً بيكون زوجي سرحان و ما سمع و لا كلمة.. بس قررت إني كل فترة و فترة أعمل جلسة مصارحة و كل واحد يقول كل شي بنفسه حتى ما تكبر مشاكلنا.. و طبعاً شجعت زوجي بالأول هو يصارحني حتى ما أتكلم لحالي مثل العادة.. و الحمدلله مشي الحال و عجبتني طريقة الهدية.. لكن حطله صورة الساعة على المخدة.. ههه... أنا من أول ما حملت و أنا مورجيته خاتم و قايلتله عندك 9 شهور تصمد مصاريك و تشتريلي الخاتم.. ما بدي أي أعذار يوم الولادة..ههه.. بس بصراحة لهلأ ما شفته اشتراه.. الله أعلم لو حشوف الخاتم بعد الولادة و لا بالمشمش.. و أنا متلك, زوجي عاطيني بطاقة بس سبحان الله المصروف من إيده غير.. و دائماً منتناقش بهالموضوع.. بيقلي عندك البطاقة شو ما احتجتي اشتري.. مو ضروري الكاش.. بس أنا لقيت حجة, قلتله بدي صمد مصاري و أعمل حساب بالبنك بركي بيوم من الأيام بعمل مشروع و بصير بزنس ومن.. طبعاً كله كلام.. ليكني ما معي ريال بالبنك, رصيدي مصفر.. ههه و يا بنات متل ما كتبت أم ريم و رنود.. مدح الرجل ضروري جداً جداً كل يوم امدحي بوسامته, بكرمه, بتعامله, بدينه و ممحافظته على صلاته... أي شي.. اخترعي أي شي تمدحيه عليه.. صدقيني حتلاقي مفعول السحر مثلاً أنا الصبح بعد ما يلبس جوزي, و طبعاً أنا بختار ملابسه و بلبق الكرافة مع القميص.. بقعد امدحه و على تقبرني شو هالوسامة و شو لابقلك.. و هيك حغار عليك من عيون النسوان.. طبعاً جوزي معه بنات بالشغل.. بقى تخيلوا إنهم بيعلقوا على كل شي.. مثلاً وحدة مرة أعجبت بكرافته و راحت بكل بساطة مسكتها و رفعتها لتشوف من وين شاريها.. و وحدة مرة قالتله حتى الجرابات يلي بتلبسهم حلوين!!! يعني مو تاركين شي الإخوات إلا مو معلقين عليه.. مشان هيك أنا بمدحه بالأول مشان يعرف إني مقدرته و ما يغره كلامهم.. صرنا بآخر زمن, البنات عم يلحقوا الرجال.. الله يعافينا First queen لا تزعلي مني, بس غلط كبير إنك تتركي زوجك بالأشهر و تروحي لعند أهلك.. مهما كنتي تعبانة لا تتركيه.. البعد بيعمل فجوة عاطفية بينكم و بس ترجعوا لبيت واحد حتحسوا حالكم أغراب عن بعض.. بقى لا عاد تعيديها و تتركي البيت أبداً.. و لساتك أول ولد.. شو بدك تعملي بس يصيروا أكتر من ولد؟ و بالنسبة لنفسيتك, عادي جداً.. لساتك أم جديدة و المسؤوليات فجأة كترت عليكي.. شوي شوي بتتعلمي كيف تنظمي وقتك, و البيبي بيصير ينام وقت أطول بالليل و بيصير عندك وقت لحالك.. بالنسبة للملل.. متل ما قلتلك, البعد خرب عليكي.. صار في فجوة.. بدك تبدأي تستدرجيه لحتى يحكيلك أخباره و المواقف يلي بتصير معه بالشغل و دوري على هواياته و إقرأي عنها و ناقشيه فيها.. مثلاً بيحب كرة القدم و بيشجع إيطاليا, شوفي مباريات إيطاليا و ناقشيه فيها و احفظي أسماء اللاعبين .. يعني خلي في شي تتناقشوا فيه إقرأي الجرايد مثلاً و تناقشي معه بالأحداث يلي صارت.. فلسطين, العراق, كوريا, إيران.. في أحداث كتيرة على الساحة ممكن الواحد يتناقش فيها لا تقولي مالي بالرياضة و السياسة.. لازم تثقفي نفسك في المجالات يلي يحبها زوجك حتى تلاقي شي تتكلمي معه فيه.. و إلا عن جد بينتهي الكلام و بتوصلوا لمرحلة الخرس الزوجي مو الصمت بس بالنسبة للبوصلة الشخصية.. انسي الاسئلة. إقرأي وصف الشخصيات حتلاقيه أسهل و تفهميه أكتر.. يعني مثلاً بموضوع أم دحومي, انزلي لتحت لبعد الأسئلة و ابدأي إقرأي الوصف الدقيق لكل شخصية.. و شوفي تنطبق على زوجك و لا لأ.. حيكون أسهل عليكي بهالطريقة و حتفهمي الاسئلة كمان بطريقة أسهل

ماني عارفة من وين ابدأ.. يا ربي الموضوع كل يوم يصير أحلى من اليوم يلي قبله هههه نور حبيت طريقتك...

Em zaid :

عنجد الموضوع مشوق مع اني عمري ما حبيت اشارك في المواضيع الزوجية :) ام ريوم ورنود كم اعمار بناتك؟ش كلهم صغار كوني متفقة معاهم من البيت انه هادي الطلعة لاحضار مقاضي البيت وبدي منكم تتصرفوا منيح واذا تصرفتوا منيح رح اعطيكم مكافئة لمى نرجع او اشتريلكم واذا ما تصرفتوا منيح مالكم شي ورح تتعاقب على كرسي العقاب واذا اعمارهم صغيرة كوني حاملة معاك سناك بسكوت او شي متل هيك بشغلهم وبخصوص المصروف انا نفس الشي ما بحب الا يكون المصروف بايدي وكان يضل يقلي معاك بطاقة البنك وفلوسنا وحدة قلتله هاد طبع فيني ما بحب اطلب او اشتري شي حتى لو محتاجة بخجل اطلب حتى من الوالد كنت واصريت انه انا هيك ومستحيل اطلب وقلتله ما بدي كتير الي بطلع من نفسك انا قابلة في طبعا وقت الدراسة كان اقل ولمى تحسن طالبت بالزيادة :) فيرست كوين شوي شوي ان شاء الله بتفهمي زوجك اهم شي ما تروحي عند اهلك فترات طويلة الغايب عن العين غايب عن القلب وقوليلة مو مشكلة حتى لو انت مشغول المهم بكون جنبك وبشوف احتياجاتك شوفي ايش الموضوع الي بتلفته وناقشي فيها وغالبا مواضيعنا احنا طبخ نفخ فلانة علانة ما بتهمهم وكيف تنطمي وقتك اولها اصعب شي ليتعدل نوم البيبي شوي بتصير اسهل لا تراكمي عليك اشغال اذا زوجك ما عنده مانع تطبخي الطبخة ليومين اعملي هيك يوم طبيخ ويوم تفضي لبيتك واذا ما بحب الاكل البايت يوم اطبخي طبخة منيحة ويوم طبخة سهلة ومشان الملل اشغلي وقتك شوفي شو عندك مواضيع حابة تتثقفي فيها ودوري واقراي فيها بتسلي وبتضيع وقت

عنجد الموضوع مشوق مع اني عمري ما حبيت اشارك في المواضيع الزوجية :) ام ريوم ورنود كم اعمار...