زوجي كيف كان وكيف صار ؟؟!!

السلام عليكم


خواتي زوجي متغير واجد وماادري شنو السبب من فتره تقريبا سنه كان يجمع له مبلغ عشان يشتري سياره وحاولت اقلل من المصاريف كثر مااقدر واستغنيت عن الكثير عشانه حتى ان ملابس ماصرت اشتري وعيالي اشتري لهم بالقطاره عشانه

وهو بالاصل من النوع اللي يصرف من غير حساب وماتهمه الفلوس ابدا يعطيني بالهبل يعني مسرف جدا

المهم بفترة هالسنه انا من نفسي ماكنت اطلب منه الا اقل القليل جمع المبلغ واشترى السياره وخذ دين من اخوه مبلغ بسيط على انه يرجعه له

خلصنا من السياره وجا هم الدين وصار يجمع عشان يعطي اخوه فلوسه واتحملت وعطى اخوه الفلوس واخوه ماقبل ياخذهم ورجعهم

امس طلعنا حنا مانطلع الا يوم بالاسبوع طلعنا وانا عارفه انه عنده فلوس ولا عليه اي ديون والله ماطلبت شي قلت له ابدخل المحل بشتري للعيال لانهم مطفرين ماعندهم شي ملابسهم تفشل قالي تبين تدخلين روحي بروحك وهو يعرف اني مابشتري بروحي وكان عندي مبلغ بسيط مصروفي الشهري ...... لكني ماتعودت اشتري واروح احاسب هو اللي دايما يحاسب لاني من النوع الخجول جدا جدا


المهم انا كنت عارفه انه يتحجج عشان مااشتري وصار يقول ان اللعب اللي كان يلعبه قبل خلاص بح ومن اليوم ورايح في اقتصاد
واصلا هالمصروف اصلا مايبقى عندي يبقى بمحفظتي ونهاية الشهر ياخذه لان الراتب ينتهي
والله العظيم ماابالغ لو قلت اني ارضى باقل القليل ولاا الزمه بشي لما خلص كل ديونه قلت بروح اشوف نفسي وعيالي اللي هاملتهم

حتى اننا كنا بالمجمع واشوف الاطفال واشوف عيالي مبهدلين ويفشلون وهو مو هامه

قبل كان كل شهر يشتري لهم ولي ومايقصر بشي بالعكس كنت اهاوشه لانه مسرف والحين قلب ويقول لي عيالك عندهم ملابس كفايه لبسيهم ملابس الصيف اللي فات وهم اعمارهم واحد سنه والثاني سنتين ونص ملابسهم صغرت والوانها راحت

زعلت منه وسكتت لما قال لي نمشي قلت له مابطلع من المجمع الا لما اشتري اللي ابيه ورفض قال لي بقعد هنا وروحي شوفي اللي تبين

عصبت وقعدت على الكراسي جا يقول لي خلاص مشينا قلت يالله

قال لي ماتبين تروحين مكان تمشين قلت له ودني جهنم وعصب ورجعنا البيت ومن يومها ولااكلمه ولااطلب منه ولا شي حتى المصروف خذته من محفظتي البارحه ورميته بوجهه وهو عصب

يعني صارت مشكله كبيره وللان مااعطيه وجه وكنه مو موجود مسوية لها طناش وبصراحه مو طايقه حتى اطالع بوجهه

هذا وانا مو مقصره معاه بشي بيته من انضف مايكون شايله العيال بروحي من غير مساعده متحمله هم شغله من الصبح لليل ومتحمله الحبس بهالبيت وساكته لكن توصل يصير بخيل خلاص
طفح الكيل

مدري كلامي ملخبط بس ماادري شسوي مصدومه فيه ماكان هالشكل تغير تغيير جذري