تقدري تعملي معه تضامن والبيت ينكتب باسمكم الاثنين
يعني ماراح يسرقك ابدا -حقك محفوظ -
وكل واحد فيكم يأخذ الايجار تبع دور
واذا تبي تسددي قرض واضطريتي له فخليه كدين ويكون عندك اثباتات بهشي
انتي تعالي له باسلوب وبكل دلعك وانوثتك قولي ياحبيبي الدنيا موت وحياه ومن حقي آمن مستقبلي

انا مع هالرأي يعني حتی لو اشتريتو عقار احرصي يكون اسمك موجود بالاوراق وانتبهي لايضحك عليك
اسال الله ان يفرج همك ويرزقك الذرية الصالحة

منصحك بالطلاق ..ابدا لكن استمري معه والحمل بيحصل ان شالله والوظيفه خلك فيها وانقلي وان شالله بتزين امورك وهوترا احسن من غيره بالنسبه للقرض حاولي انك تاخرينه ماطلي قد ماتقدرين لين يطفش..والله يسخره لك ..والله ياختي اني صابره على زوج مريض نفسي بكل معنى الكلمه وش اسوي وين اروح اهلي مايبوني لا انا ولا عيالي لكن فرج الله قريب

وش هالأنانيه مايبغاك تحملين بالعاده الرجال هو الي يزن على الحمل وفوق هذا يبغاك تاخذين قرض لا تطاوعينه أبدا لا بسالفة انه مايبغاك تحملين ولا بسالفة انك تاخذين له قرض زوجك نذل ونواياه واضحه وكيف يقول عيالي ربيهم قولي عيالك على راسي أربيهم مع عيالي واذا عيا قال لا بس عيالي يكفونك قولي أنا حرمه زي الحريم أبغ أحمل وأولد وأشيل ضناي وأرضعه هذا شي الله كتبه لي وحق من حقوقي كيف تمنعني من الذريه عشانك عندك عيال وأنتي مو صغيره فوق الثلاثين والقرض لاتاخذينه أبدا نصيحه لاتظلمين نفسك معاه استخيري وناقشيه ودخلي أهلك وأهله وعلميهم السالفه شفتيهم ماأحد معك ف الله فوق ومايرضى بالظلم واستخيري بالطلاق منه أنا ماأحب أشجع أحد ع الطلاق لكن لو قفلت الامور مره فهو رحمه من الله نصيحه لايضيع عمرك بدون عيال لا جا سن الخمسين وأيستي ماراح تلاقي أحد حولك لازوج ولا اخوان والزوج واضحه معاملته وانتي بنت هالحين كيف لاصرتي عجوز طايحه الي ماقدرك الحين مو مقدرك لاعجزتي واخوانك من الحين اغسلي يدك منهم الوحده مننا والله مايبقى لها غير عيالها وبناتها والا عيال الناس للناس تربين وتتعبين ومرجعهم ﻷمهم الله يفرج همك يارب بس لحقي عمرك قبل لاتيأسين وتندمين ...

والله مادري وش اقولك غير ادعيلك الله يفرج همك يااارب 😢