زوجي لا صوووووم ولا صلاااااااه،،وش الحل معه؟

السلام عليكم،،
اخواتي انا عضوه جديدة بالمنتدى بس قارئه قديمه لافضل منتدى،،
وماكنت اتوقع في يوم اني باكتب مشكله تخصني بس الله يعين،،
المهم ما اطول عليكم،،
انا ياعزيزاتي صار لي سنتين متزوجه وزوجي الله يهديه ويصلحه مايصوم ولا يصلي،،بالرغم انه طيب وحنون ويلبي كل طلباتي ولا يقصر علي بشي بس وش الفايده اذا مو عابدن ربه،،
والله يا اخواتي في بداية زواجنا كان يصلي بس بعد كذا تهاون ويقول اذا صليت ادوخ واتضايق وانا شفت هالشي بعيني لما يتضايق وينكتم،،بس اقوله هذا من الشيطان،،
ودايما انصحه واتكلم معاه بالزين والطيب بس مافي فايده وزعلت ومافي فايده،،
والله اني بهالشهر الفضيل بكيت وضقت لين تعبت والله اني اشفق على حاله لما اشوفه مفرط بهالشهر الكريم،،لا صووووم ولا صلااااااه،،
واكيد بتقولون لي اطلبي الطلاق ولا اطمحي بس مافي فايده ياما حريم سونها بس ماجابت نتيجه،،
وانا عندي امل بالله انه يهديه ويصلحه والله اني ادعي له وربي بيستجيب مني بأذن الله،،
ابيكم تفيدوني اخواتي مين قد مر عليها مثل وضعي وانحلت مشكلتها وصار زوجها يخاف ربه ويصلي ويصوم،،وش الطريقه المفروض اتبعها معه،،كيف انصحه وكيف اكلمه،،ولين متى اصبر،،
وابي افيدكم بشي بعد انه يتعب نفسيته اذا قرب مني وجاني وانا بعد يعني اتضايق واتعب اذا هو عندي واحس بكره فضيع له وللبيت،،ما ادري وش السبب،،
الله يسعدكم دنيا وآخره يارب،،