زوجي لا يصبر على إزعاج الأولاد و هذا يزعجني و يؤثر على علاقتنا بشدة.

الله يعطيك العافيه وتسلم ايدك على النقل .
وربي يخليلك بنتك ويصلحه .
كيف ممكن أفهم هذا الشيء للطفل اللي يبلغ من العمر سنتين لان بنتي مشاغبة جدا ومزعجة وما اقدر عليها
اختي هالسؤال مالقيت له اجابه .
الله يعين :26:

من الخطأ جدا ان يعاقب شخص امام اخرين حتى لو كانوا اخوانه و اخواته
فما بالك عندما يكون طفل !!!!!!

ياليت ناقى حل للكتاكيت الصغار عشان ما يندبغون من آباءهم

والله ان معك يا اختي بس كيف افهم ابني هيك
بالاضافة الى انه متعلق بينا كتير يعني لايمكن يلعب لوحده في غرفته لازم يكوم معنا:27:

اللي تطلبيه وعلشان تعودينها تحتاجي لوقت وصبر وما حتتعلم في أيام قليله ... لكن التأثير حيظل لغاية لما تكبر..
بالذات لو طفلتك وحيده وما عندها أخوان حتكون محتاجه أنها تحس بوجودكم حولها ومحاولة جذب أنتباهكم بأي شكل...

وأقترح إنك تبدأي معاها بالتدريج..
يعني في البداية تكوني معاها وتشاركينها لعبها..
أو ممكن مشاهده فيلم كرتوني لكن هي تحتاج اللي يكون معاها في البداية..

وممكن مثلاً تجيبي لها دفتر تلوين وألوان وتلوني معاها أو ترسمي معاها في كراسة رسم..
وممكن لهذا السن الألعاب الـ Logo التركيبه الملونه..يحبونها كثييير..
أو عرايسها..

وحاولي أنك تخصصي لها مكان في غرفة الجلوس في زاوية معينة يكون آمن وقريب منكم علشان تتطمن لوجودكم معاها..

وتعلميها في البداية وبالتالي حتعوديها إنها بعد ما تخلص من اللعب ..تجمع الألعاب في صندوق ألعابها وتقولي لها إنك حتساعديها في البداية وعادة أنا أبدأ بتجميع الألعاب ببطء "علشان أعطي ولدي وقت يستوعب" ثم أطلب من ولدي مساعدتي..
ومره عن مره يتعود أنه هو اللي يبدأ يجمعها وكمان أساعده بس لما يكبر يكون أتعود على ترتيب أغراضه..
وبعد فترة حتلاقيها اتعودت انها تمسك العابها وتلعب وممكن تكون جنبك في غرفة الجلوس في زاوية معينة بينما أنتي ووالدها تتكلموا وهي شاغلة نفسها بدنيتها ومطمئنة..
هذا اللي يحضرني وأتمنى أكون أفدتكم ..
تحياتي..
:26: