زوجي لما يعصب.....................

السلام عليكم حبيباتي
استغفر الله العلي العظيم من بذاءة لسان زوجي
انا تربيت مع عائلة ما بتسب ولا بتنطق الالفاظ البذيئة واي غلطة كنا نغلطها واحنا اطفال امي الله يخليها كانت تنهرنا بشدة والحمد لله كلنا كبرنا على اللسان النظيف
لكن زوجي الله يسامحه :44:
انسان ملتزم بالدين لكن لسانه لما يعصب بذيء جدا
يعني ممكن يسب الدين واستغفر الله العظيم احيانا قليلة يكفر :(
ومرات يسب مسبات متل اولاد الشوارع
يااااااااااااااااااما نهرته وحكيتله هاد حرام ربنا بيعاقبك عقاب شديد وانت انسان متعلم مش جاهل
وياما نصحته ووجهته ودعيتله
لكن لما يغضب جدا ينسى كل شيء
ومرات صرخت فيه وحكيتله لو اسمع ابنك يقلدك بالمسبات برميه من الشباك :mad: طبعا حكي فاضي حتى يتادب
والله لما اسمعه هيك احس روحي بدها تطلع
احس انه جاب سكين وذبحني فيها
يا رب شو الحل مع الفاظه
كان مرات لما يعصب يحاول يمد ايده مشان يضربني لكني بحزم شديد منعته وما بيرفع يده علي
لا تفكروا انه انسان مجنون
بالعكس هو هادي وخلوق لكن لما يعصب الله المستعان
مين عندها افكار او تجارب او اي شي ممكن اني اغير الفاظ زوجي للاحسن
مع اني دايما اهديه لما يعصب واحكيله بلحظات الهدوء انه يستغفر بدال ما يسب وما في فايدة 6 سنين وهو هيك