بصراحه اهنييييك والله انك من ظهر رجال
هذا خاين وماله امان وفكرة تاجير البيت حلوة

فلوس لاتعطينه ريال واحد
ولا تشاركينه بأي شي مهما كان بسيط
احفظي مالك لنفسك وعيالك لا غير
وسددي ديونك واثثي بيتك وحتى لو ما سكنتيه وتطلقتي منه اجريه واستفيدي
وزوجك بما انك تقولين شفتي خياناته في بيتك يعني وصل الامر للزنا ! اذا هذا القصد فهذا انسان ما يستاهل اي تضحيه ولا صبر وش اكثر من كذا هو يلوي ذراعك ويبي يقهرك عشان تخضعين لطلباته ويعيشك ذليله ويعيش حياته وقذارته وانتي بتكونين خسرتي كثير بسببه اذا طاوعتيه يمكن يجي يوم يطردك من بيته اصري على رايك وهو وجوده والعدم واحد مثل هذا ماعليه حسوفه عشرين سنه ما تغير ولا ثمر فيه العشره والعيال لا تتوقعين اذا سويتي الي يبي وشاركتيه ومشيتي على رآيه بيعزك او يقدرك

عليك بسهام الليل فإنها لاتخطــــــــــــــــــــــــــــــــــــــــــــئ
ماعندي أعظم من هالنصيحه فالقلوب يملكها الله

طيب اختي .. اعتبري نفسك مطلقة ..
انسيه وعيشي على انك عايشة لحالك انت وعيالك .. بيطلعهم الله يعافيه هذولا اولادك خليهم ينبسطون ..
أنت إذا بغيتي الطلعة اطلعي مع احد من أهلك أو صديقاتك .. أو روحي بتاكسي قضي أشغالك أنت ..
لكن أشياء البيت وعيالك .. قولي لعيالك يطلبونها منه .. لأنه ملزوم يووفرها .

وبيتك اللي اشتريتيه حاولي تأجرينه لو قدرت ..
بس لا يعرف انك اشتريتي بيت او حتى أجرتيه فيقوم يبتزك عشان يأخذ الفلوس منك .

الله يفرج همك