زوجي ليس طموح .. ماذا أفعل معه ؟

السلام عليكم ورحمة الله وبركاته

مشكلتي إن زوجي عليه ديون كثييييييرة ورغم ذلك كل ما أتوسط له في مكان عمل أخر يكون مرتبه أعلى يفضل يتململ في التقديم لغاية ما تروح الفرصة .. أو يروح المقابلة بعد ما يطلع روحي في إقناعه بالذهاب .. والسبب إنه مرتاح في مكان عمله الحالي لأن الشغل قليل ( وطبعا المرتب قليل) .. ودايما على لسانه كلمة .. ( قولي الحمد لله .. إحنا أحسن من ناس كتير) والله دايما أقول الحمد لله على كل شيء .. لكن لما توصل الأمور لأن البنوك بيطالبوه بسرعة تسديد الأقساط المتراكمة وإلا .. يبقى لازم ياخد قرار .. في فرق كبير بين التوكل على الله والتواكل ..
أنا بعت كتير من ذهبي وأعطيته كل رصيدي في البنك وأساهم معاه بكل مرتبي وهو دائما يقولي أنا تعبتك معايا وبكرة حعوضك عن كل حاجة .. هو صعبان عليا جدا (دة جوزي يا ناس وحبيبي) وفي نفس الوقت أنا متغاظة منه ..وأخيرا بصعوبة أخذت قرار بيني وبين نفسي إني أتوقف عن المساعدات المادية الزايدة عن حدها لأنها للأسف ساهمت في كسله عن التحرك للأمام .. إزاي أحرك فيه دافع الطموح ؟ أرجوكم عايزة أفكار .. وآسفة على الإطالة