زوجي ماتوقعت انه يسوي كذا بيوم من الأيام

صار هواش بيني وبين زوجي يعني مو هواش كبير مره عادي واعتذرت منه وحسيته معصب ومو راضي
وبعدين زهقت منه ونمت الأخ ولع نااااااااار اني ماراضيته وماسالته ايش فيك وهو كان يبيغيني اسئله

انا وش دراني ماقدرت اقرى افكاره حسيته بيرضى من نفسه

تتوقعون اشسوى راح وهو معصب حده لأهله و قال انه يبغي يتزوج وحده ثانيه غيري ..

وماعلمني الا بالليل جاني وهو معصب وقال لي تراني خطبت وبجيبها البيت انا ماصدقته قعدت اصيح واصيح واصيح

بعدين حسيت اني كسرت خاطره وقال لي الأشياء اللي مضايقته مني وعيوبي اللي يبغيني اصلحها

وقال لي خلاص ببطل لكن توعديني انك تتخلصين من صفاتك الشينه وحلف لي انه ماقد فكر فيها لكني انا السبب

وانا اللي عطيته ظهري ونمت بدون مااسئله شلي مزعله .. زوجي شوي عصبي عشان كذا قلت اتركه يهدأ

من نفسه

انا خلالالالالالالالالالالاص صارت حالتي النفسيه في الحضيض بالرغم من اني اعترف انه معاه حق واني ماكنت حاسه

بغلطي بس مو كذا المفروض يكلمني ويقول لي شلي مضايقه حاولت اكلمه بس كان معصب


والمصيبه انه خلاص قال لأهله يعني اختكم راحت وطي وتطربقت على راسي



الصراحه اهو يحبني مره وهذا اللي ذابحني يعني لوانه يكرهني مااحتريت لكني محسبت ان زوجي يسوي كذا




وبعد كذا قال انا اصلا ماخطبت ولا شي لكني عصبت وجات الفكره ببالي واحتريت وانفجرت عند اهلي واللي يبي

يتزوج بصحيح مايهون عن فكرته بالسرعه هذي





يارررررررربي وشلون اعيش معاه بعد اليوم الثقه خلالالالالالالالاص راحت وطي بعد ماكنت مطمنه

والصراحه حياتنا كانت حلوه وانا مبسوطه معاه وهو نفس الشي بالرغم من ان فيني طبايع شينه ماانكر لكن ماضنيت

انها كانت مأثره على نفسيته انا وشدراني مااسمع منه الا المدح والكلام الزين اقسم بالله صحيح احيانا ينقهر

ويقول لي بس كنت اعتبرها اشياء عاديه وكل زوج يقولها لزوجته وهواش عادي وينتهي ...


بالصراحه مره متحسسسسسسسسسسسفه على زوجي انا اعترف غلطانه ومستعده اسوي اللي يرضيه

لكن ثقتي واحساسي بالسعاده واني الوحيد بقلبه تدمرررررررررررررر وماني قاده اضحك على نفسي


مع انه يقولي ماصار شي واني مكبره المسئله وخلاص انسي ومدامك زينه معاي لاتشيلي هم

لكن اختكم خلاص لدرجة اني فكرت اني اتركه مع اني احبه لكن مو قادره اتحمل الصدمه واحس بعذاب مايعلم

فيه الا رب العالمين