زوجي مايحب يجلس معي

السلام عليكم يا حبايب قلبي 
انا تأزمت نفسيا وحبيت انكم تساعدوني 
خل ادخل بالموضوع مباشره...
انا توي متزوجه من ٧ شهور وزوجي جالس على الجوال ٢٤ ساعة يكلم خويه او يلعب هذي اول شهرين  يوم اقول له قلبي اشتقت اجلس معك ومن كذا يتضايق صار مقدار اهتمامي به يقل 
ولا قد قلت له مافيه شيء بالبيت وكذا 
عشان اشك انه من اسلوبي.
المهم كنت اصارحه اني اتضايق من قعدته على الجوال 
واشوف اذا قلت مشتاقه اطلع معك يقول السياره خربانه او مافيه بنزين او تدرين انه مامعي فلوس والله انك ماتثمنين كلامك  جلست اراجع نفسي  وانا ادري اني ماقصرت بحقه الله يشوف ضعفي
بعكس إذا اتصل عليه خويه اقسم بالله انه يلبس ثوبه ويطلع معه بالسياره أتعجب الكلام اللي يقوله قبل شوي ماقاله لخويه.
المهم من ٣ شهور صار يجيب خويه للبيت ويجلس معه المشكله انه يطلع صاحبه من عنده يعود يتواصل معه سلامات توه طالع من عندك صراحه يستفزني الحال واللي يقهرني زياده يجيب غدا وعشاء بدون ماأدري وياكل معه 
صراحه شككني فيه ولا ابي اشك عشان كذا قلت خل اسأل اخواتي 
بعدين اللي يغبني يخفض نور جواله إذا جاء يراسل ذا الشخص ويكلمه قدامي برموز واذا كان جالس يميل الجوال عني ويضحك معه وبس يترك الجوال يصارخ ويعصب علي ماأدري وش اسوي حاولت اغير منه ماتجاوب واشيااااا تغلي بقلبي 
 ماودي أطول عليكم والله من ٣شهر لزمت الدعاء له 
بس عندي تسأل بقلبي تتوقعون انه راعي شباب؟
ريحوني واعطوني حل ❤