زوجي مايطلعني !!!

بنات بسألكم اذا زوجك عادي عنده تطلعين وتروحين يعني مساير بيوت ماعنده مانع بس بحدود المعقول ويخليك تطلعين مع اخواته مجمعات واحياناً مع اخواتك ( مو دايم ) يعني مايمنعك كثير بس اذا شافك زودتيها يقولك طلعاتك كثرت خلاص وانتي تسكتي لانه تحسين معاه حق ومو مقصر عليك بالفلوس وهالاشياء المهم هو النهار كله مشغول وبالليل لأصحابه فقط هل تشوفين انه من حقك كمان تطالبينه تطلعون مع بعض ؟؟ انا نفس الحكايه بس حازه بخاطري اننا مانطلع مع بعض ولا يجي على باله يقول امشي نطلع انا وانتي ابداً ابداً حتى لو راح مشوار ومثلاً اكون صاحيه مثلاً هو رايح السوق يشتري كم لبسه له اقوله بروح معاك يقول لا ماله داعي ! يعني تمشيه كذا اشوفه يدق على اخوياه تروح معاي المكان الفلاني تمشي معاي ممشى طيب ليه ماتفكر بزوجتك ! اوكي حتى انا لي صاحبات ولي معارف كثير وانا اجتماعيه بس يعني شي حلو لو برضو نطلع مع بعض اوقات ! المهم انا بين فتره وفتره اقوله خلينا نطلع بعض طبعاً كل مره يقول اليوم مشغول وبعد كم يوم نروح نتمشى بس كل مره انا اللي اطلب وكل مره يعتذر يعتذر وبعديييننن يودينا نطلع ولما يعتذر اسكت بجرب يقول من نفسه والله مايقول الى لما انا ارجع افتح الموضوع ! عادي يمشيني ونقعد ٣ شهور مانطلع مع بعض وبعدها انا ارجع اطلب ! وفوق كل ذا قبل كم يوم قلت فكر بزوجتك قول دام اني اغلب وقتي مشغول خليني اطلعها امشيها قال طيب واليوم العصر قلت خلينا نطلع بالليل قال اشوف والعشا ارسلت له ها تجي نطلع قال لا عندي شغل وشوي جا وغير ملابسه لبس رياضه قلت مو تقول مشغول ! قال معزوم على عشا قلت كيف تروح عشا بلبسك ذا قال اخوياي عادي امون عليهم تنرفزت مره قلت له انا معطتك خبر من اول اننا نطلع وش فيها لو اعتذرت لخويك عشاني بما انه عشا مو رسمي يعني بدون مناسبه مو انت طول الاسابيع معاهم انقهر لما تخليني بالطلعات اخر شي !! ترى الشي لما يجي بعد زن مو حلو مايرد ساكت🙂 هو شايفني اني اطلع عادي طيب انا زوجتك نبغى نطلع مع بعض !! هل معاي حق ؟ ولا خلاص اقفل الموضوع ولا عاد اطلبه نطلع مع بعض ؟؟