زوجي مايطيق اهلي ويستفزني فيهم

السلام عليكم ورحمة الله وبركاته

مبارك عليكم الشهر


ودي اطرح لكم موضوعي بشوف اللي يصير معاي شي طبيعي ولا زوجي من كوكب آخر

المهم زوجي يكره زيارة اهلي لي لدرجه انهم ماعمرهم زاروني في بيتي

واذا سمع انهم بيجوني يختلق مشاكل مالها اساس ويقترح علي اروح لاهلي اريح عندهم وبكيذا تنلغي جية اهلي


مع العلم اني بديره واهلي بديره

واهلي فهموه ولاعاد يفكرون يزوروني وهذا الشي معور قلبي حيل


والادهى والامر مستحيل يدق على ابوي حتى الحين رمضان دخل مافكر يدق عليه ويهنيه بالشهر ويوم عاتبته يقول مو لازم الله يستر علينا وعليه

وزعل مني عشان ناقشته في موضوع الاتصال

طبعا ابضيف معلومه مافيه اي خلاف بينه وبين اهلي يعني كرهه من غير سبب

وعلاقتي باهله جدا حلوه لدرجة انهم يبون اختي الثانيه لولدهم

افيدوني جزاكم الله خيرا ايش اسوي

قلبي محروووق

صعب تحسين ان شخص يبغض اهلك وخاصة ابوك وامك اللي ودك تفدينهم بروحك