الله يعينك

بعض الرجال يحب تمدحيه وتدعي له وتطلبي منه فلوس ،،يعطيك.

بس الغريب ان بعض الرجال ويمكن أكثرهم يحب انك تحددي حاجتك والمبلغ اللي تبغيه وماتكثري كلام يشبه كلام الأم مع أولادها

(مثلا فلان أبغى 500 أشتري فستان) ولاتزيدي كلمة وحدة والله العظيم هي طريقة غريبة لكنها تؤثر في الرجل ،،وهذي الطريقة

مجربة،،،جربيهامنتي خسرانة شي،،

اب

احس المصروف شي مهم جداااااا

مع اني ازن زن في كل مره اخذ فيها المصروف

والله اني نفس حالتك ياصاحبة الموضوع انه مو بخل بس يعلق على موضوع المصروف

بس اللي تقول اهم شي اللبس والاكل والسكن

اقول لها مو كل شي اكل ولبس ومسكن

تخيلي في يوم من الايام كان مو عندك واضطريتي تطلبين من برى خلصت عليك شغله في البيت من وين تحاسبين ؟؟؟

ولا كنتي في مستوصف خاص واضطريتي لعمل تحليل مفاجئ !!

ولا كنت مع اهلك ورحتي معهم السوق واعجبتك شغله من وين تحاسبين ؟؟؟

ولا تخلين اهلك يحاسبون لك ولا كأنك على ذمة رجل مسؤول منك ؟؟؟؟؟

اغلب هذي المواقف حصلت معي وانحرجت جدااااااااااااا

وكل مره يحدث موقف كنت اخبره فيه عشان ينحرج من نفسه انه تركني من دون مصروف

وفعلا احس يبين فيه

حاولي يااختي باسلوب حلووووو

وخصوصا اذا كان رااااااااااااايق استغلي الفرصة

فيه رجال يحبون المدح

اذكر اخوي يقول لو تدعين لي بكلمتين لاعطيك العشره مره وحده
ةقصده العشر الاف

واخوي الثاني
تجيه اختي وتقول فلان ابي فلوس بطلع يقول خذي اللي في البوك وهذي كلمته دايم
لدرجه مره تقول كرحة هالكلمه قلت لي كل اللي في البوك قال كله وفتحته ولقت اكثر من 2700 ريال
رجعت قالت فيه اكثر من 2000 اخذها
وهي مستغربه ماكانت تبي الا شيء بسيط قال حلال لك

عاد اختي مفجوعه سحبتها كلها وماخلت ولا ريال

واخوي الثالث

لا تستغربون ابوي متوفي وهم اللي مسؤلين

حددي المبلغ وبس
يعني ابي 1000 وخذيها و
او اكثر او اقل
يعني لاتشغلين راسي
عاد الرابع
هذا بحد ذاته
تقولين ابو هباش

لازم نكتب معروض زكل نقطه نجلس ناقشها معه

والله انه موب بخيل بس اللي مايعرفه يقول وش يبي ذا
يعني ابي اشتري بلوزه وجزمه وبنطلون وروج

البلوزه اسعارهم من 200 الى 700
يقعد يقول طيب خذي ام 200 واشتري 3 وباقي 100 لتس

والبنطاون بسعر كذا يقوا طيب مافيه شيء في الدالوب
نقول الا بس مانبيه يقول البسيه وهذي 200 لتس

الجزمه والروج وكذا

يعني بيبيدفع بس لازم يعرف وش دافع فيه
ويحاول يقنعنا
اني بعطيكم الي تبون بس موب لازم تصرفين كل ريال يجيتس


قلت قصة حياتي
يعني يختلف تصرف كل رجال

وحوده اعرفها
مايعطيها الريال
واذا راحت لسوق تشتري لو ب10000 مايمنعها
بس عنده نظريه ان الحرمه ماتمسك الريال
وحاولت انها تقنعه وعجزت وهي متزوجته من اكثر من 20 سنه عيالهم معرسين الحين

واخر حل توصلت له انها اذا راحت لسوق تاخذ حاجتها من اللبس وزياده
تاخذ لها بلوزه مثلا ب200
وتنوره ب100
ويكون من محل فيه ترجيع واذا رجعت للبيت
عطتها ولدها يرجعها وتاخذ الفلوس لها
بعدين تقول انبني ضميري وعلمت رجلي تقول حسيت انها حرام علي

قال هذي حلالتس
بس انا هذي نظريتي
تقول الحين اذا رحت لسوق وقبل لايحاسب
قال هذي لبس ولا ترجيع وهو يضحك

بالمختصر المفيد
وقولي له ياعزي وتاج راسي
وش انت من رجال
تبي ادعيلك ابشري
تبي اغثك ابسر
تبي اكبر راسك ابشر
بس انت امر وانقد