زوجي مايعطيني هدايا وزوج صديقتي عكس ليه !!

حبيباتي تحيه من قلبي لكم ملؤها الورد النرجسي ,




:)

كلامي مختصر (عن اللي تقول ليه زوجي مايهديني هدايا!)


/

ومن منطلق حديث المصطفى عليه افضل الصلاوات والتسليم

(تهادوا تحابوا )

*

الرجال بطبيعتنا الصحراويه غالبيتهم جافين ~:(
يعني مو مثل البنات تهمهم الهدايا وتعنيهم شي تقدير ودليل ع الحب والرومانسيه ؟؟الخ ~:icon28:
:

*

هم جايين على وجوهمم وغالبيتهم مايعرفون معنى الهديه ولاوقتها ومناسباتها ولاقيمتها
بحجم العلاقه الأسريه المبنيه على الحب والتفاهم والإخلاص فقط ~ ماتجي على بالهم هدايا الا ماندر :09:

/

***

لكن الشاطره اللي تعود زوجها من أول ليلة زواجهم
وهي تأسسه على ماتبي وتعوده على الهدايا وقيمتها ومناسباتها

*


اولاً . بوقت الزواج ليلة الزفاف
لازم تكوني مجهزه حالك بهديه محترمه لزوجك وهي تعتبر في الغالب أول هديه بين الطرفين
إذا كنتوا مو من نوع اللي يملكون ويكلمون قبل الزواج بفتره ~

ولازم تحظرينها بطريقه حلوه ورومانسيه ~ مثلاً
قبل الزواج بكم يوم بعد ماتصفي اغراضك تجهزينها بتغليفتها وكشختها وانتي وذوقك
وتحطيها فوق السرير مع باقة ورد صغيره فيها كارت كلام حب ودعاء ~

هو لمى يجي بيشوفها ويتفائل خير وبيعرف انه لازم يرده وبيحظر لك هديه وهذا معروف
هديته الصباحه الذهب وغيره ~

بيوم الزفاف بيشكرك عليها ولاان كانه مااخذها مستحي انتي قدميها له
~

/

*
ثانياً بمرور اول عيد بينكم كعيد الفطر والأضحى جهزي حالك بمفاجأه لزوجك
وجهزي له هديه محترمه وحلوه على قد مامعك من فلوس
والأصح تشوفين وشو اللي ناقصه ومتحاجه وتشترينه له كمفاجأه وبينبسط فيها
مثلاً عطر ’ نظارات شمسيه , محفظة فلوس, جزمه شيك, سبحه , قلم , مجموعة معطرات جسم ,باقة ورد
ملابس بيت او رياضه , شنطة لابتوب , ..الخ انتي وافكارك وشطارتك
/


*
ثالثاً,جيبي طاري الهدايا مابين الزوجين بفترات حتى تنبهينه ان كان غافل
وتنبهينه على ضرورة الهدايا اللي توطد الحب أكثر وتنعش الحياة وتبعث التجديد والتفائل ..

*
مثلاً في سواليفكم اليوميه

تقولي :ايييه صح صاحبتي دقت علي و بتطلع من النفاس وبتقدم هديه لزوجها وقالت لي وش رايك اهديه؟

وانا قلتلها وش اللي ناقصه ؟ واشتري له كذا وغلفيه بالقماش والورد وحطي معاهم هدية المولود اللي سويتها بالتوزيعات او سوي انتي له خاصه فيها صورته مع ابوه واكتبي عباره عن فرحتك في انظمام ابنكم لحياتك ودعاء وانتي واسلوبك ..


*
وبعد كلامك
تسئلي زوجك انتي عشان تتناقشوا في هالأمر
انت وش رايك وإقتراحك بالهديه اللي تعطيها لزوجها ؟ لأنه هي تقول ان زوجي جاب لي طقم ذهب
وتبي هديه تكون فخمه رايك اللي قلتلها عنه حلو وبيفرح فيه ؟
(ان كيدكن عظيم :30:) ههههه

ولما تشوفي رايه ~ هو بيكون عنده خلفيه أنه لازم لاولدتي يهديك هديه فخمه بهالمناسبه
انتي حطيتي هالمعلومه في باله من كلامك ~ بس طبعاً كلش ولاالتصريح موحلو
يعني تصرحين وتقولين ليش ماتجيب لي وجيب لي !!؟؟ وفلانه عطاها زوجها وانت ماعطيتني !!
بيعاند وبتصير الهديه مالها طعم ابداً

*
وبعد ماتشوفي رايه
امدحي نفسك الحمدلله صديقاتي دائماً يحتاجوني ويبغون اقتراحي ورأيي في هالأمور , وكثير من الأمور
هو بيعرف مدى حرصك على الهديه وماراح ينساها في المناسبات اللي تمر عليكم ابد ~ وبيعرف ذوقك وبيتفنن في هديتك :26:

/

*
رابعاً , بين فترات سوي له تجديد بحياته مثل المفاجأة الرومنسيه
وسوي له كيكه حلوه مع العصير ..الخ وهذي تعتبر هديه رائعه وماتنسى

وهو بيعيدها لك حتى لو بمطعم ولافندق :icon28: بإذن الله

/


حبيباتي*:26:

المقصد من كلامي

انك انتي عزيزتي المسؤله عن كرم زوجك في الهدايا عليك او بخله في ذلك

يعني انتي اللي تعودينه من أول ليله ~

*ولاتهملين كلامي ونصائحي ان كنتي تبغين زوج رومانسي
معطاء كريم في الهدايا ..

/
*

اسئل الله ان ينفع فيما كتبت وان اكون خدمتكم لو بالقليل

اعذروني على فوضوية كلامي وبعثرته ~ فأنا كتبته على عجل

ولكن موضوع اختنا الكريمه ( غدا أحلى )

http://forum.hawaaworld.com/showthread.php?t=2014378

هو مادعاني لكتابة هذا الموضوع على عجل

واتمنى ان يكون مضموني مفيد لكم
وان تكون نصائحي ملهمه لمن هي على أبواب الزواج
وحتى من مضى على زواجها الكثير
فكل شي يتغير بتغييرك انتي ~

دعواتكم لي بالخير *
:26:

برايفت /