زوجي مايقدّر انشغالي

السلام عليكم اولا انا داخلة بيوزر صديقتي
بنات الله يسعدكم انا متملكة وزواجنا بعد ثلاث شهور
مشكلته يابنات اني ع كثر ماأثبت غلاه مايصدق
مدري
يحس اني مااعطيه شي
يحس اني مااسوي شي
دايم يقول انتي بخيلة علي
مع اني اعطيه كل شي
بس يبيني معه ٢٤ ساعة؟!
اذا انشغلت يوم مثلا يجي اليوم الثاني معصب ويعاتب ويهاوش
انتي اصلا ماتهتمين وساحبة علي
تعبت وانا اقط وجهي عليك
انتي حاطتني الأخير ماتجين الا اذا خلصتي كل شي
وانا مو كذا قسم بالله
ومهما أثبت مايصدق؟؟؟؟
تعبت والله العظيم
حتى الزيارات ابيه يخفف زيارات
بس هو رافض..
هذا غير انه يطول عندي مرة وانتوا عارفين ممكن بلحظة مانحس بأنفسنا ونخربها
فماودي كذا بصراحة
قلتله كلام حب مع هذا يقول انتي ماتقولين
ادري انه خايف علي ويبيني حوله ٢٤ ساعة
بس خانقني حرفيا
مو مقدر اني بآخر سنة جامعية وتخصصي صعب ومنضغطة
ولا مقدر ان تصيرلي ظروف وأنشغل عندي مشروع
واللي يقهر اذا خلصت شغلي
اجيه طايرة ومبسوطة بكلمه
انصدم من ردة الفعل؟ يرد بدون نفس او يعاتب ليه منشغلة ومااعطيتني خبر
او مثلا ليه طالعة ومااعطتيني خبر
مع ان بعض الطلعات تجي فجأة
وكل مرة ارجع اراضيه واثبتله مكانته
وكل مرة يصير نفس الشي
بنات اخاف بكرة اذا تزوجنا مايقدّر انشغالي ظروفي حياتي
اخاف يبي البيت مرتب ٢٤ ساعةواذا صار اي خلل لأي سبب يعصب
ويبي الغدا كل يوم وع الموعد
ويبيني بيرفكت بكل شي وانا مااقدر اصير كذا
غير كذا اذا عصب يقول كلام يجرح شوي
بس يحس بالذنب بسرعة ويعتذر
احس حياتنا غلط لو استمرت كذا
كيف بنتزوج ونجيب عيال واحنا كذا من البداية
هو شخصيته مختلفة عني تماما بكل شي
واحسه دايم يبي يحس انه الرجل اللي يتحكم ويفرض نفسه..يموت بهالإحساس
وانا معطيته جوه ببعض الأشياء
بس فيه اشياء ماله دخل يتحكم فيها
مدري شلون اتفاهم معه
بالذات اذا عصب..اذا عصب يقول لاتتفاهمين معي انا ماابي اقتنع يعني يركّب الفكرة براسه ويعاملني ع اساسها بدون مايعطيني مجال اشرحله
وهذا الشي يغبن
احنا جدا جدا مختلفيين بأشياء كثير
الشخصيات العادات نمط المعيشة التفكير الإهتمامات
هذا الشي مسبب تصادمات صغيرة
الحمدلله هو طيب وأحبه ويحترمني جدا ومتمسكين ببعض
وماابي اشياء كذا تافهة تخرب كل شي..
بس انا جربت معه كل الطرق ومانفع :(