زوجي ماينعطى وجه😩😩

زوجي انسان مش طبيعي ذابحني بتصرفاته اذا طلبني شي وسمعت كلامه أندم أشد الندم لأنه يتمادى....
مثلا ..
*عزم أصحابه واكرمتهم يعزم اليوم اللي بعده وبعده ومايوقف لين اتمشكل...
*اطلع السوق يقول نأخذ خواتي اقول تم يجلس ياخذهم في كل مشوار ولازم اتمشكل عشان يوقف....
*يطلبني اطبخ اكله معينه لأمه اسويها يكرهني حياتي ويبي يوميا اسويها لدرجه أمه صارت ترمي بالزباله وماالومها وهو يدري بس يقول إلا عادي وغصب سوي....
*مره اضطريت اركب مع اخوه واخواته واروح معاهم لعمته كرهني حياتي شهر واحنا مشاكل يبي على طول اروح معاهم أي مكان ابغاه....
*تعب واضطر اخوه يداوم ببناتي مدارسهم يومين بس واللحين اتوقع أخو زوجي يلعن الساعه اللي فكر يأخذ بناتي فيها لأن زوجي تمادى وصار كل شوي جيب البنات وود البنات لاخوه 😩😩
*شافني نازله لأهله ومعاي صينيه ماعاد اشوف خير يقعد كل يوم يحن انزلي وسوي .....
*شافني أكلم اخته يجيني اليوم الثاني يقول كلمتي اختي اقول لا ليش قال كلميها كل يوم مو من جده 😭😭
*أبوه وأمه طلعو الحوش وسويت القهوه والشاي وطلعت عندهم ذبحني كل يوم مشاكل يبيها عاده يوميه...
*دخلت عيال إخوانه يلعبون مع عيالي ذبحني ويجيبهم يوميا من الظهر لليل وبالاخير طلعتهم غصب وماعاد خليتهم يجون إلا أيام الويكند. ..
*سلفتي ولدت وزرتها وسويت لها أكل واخذت لها الهديه صار بس يصحى يسألني وش باسوي لها أكل ومتى باطلع لها😭
*احضر بعض الأعراس مع أمه وينشب لي في كل زواج من بعيد أو قريب حتى لو عندي ظروف 😣
*هذا كيف أتعامل معاه بالله اسمع كلامه اول مره بعدها اذا شفته تمادى أرفض ويقوم الدنيا ويقعدها ونجلس أسابيع متخاصمين وانا مقاومه وصامده😭😭😭