زوجي مايهتم ولا يسأل فيني

السلام عليكم

كيفكم يابنات

بقولكم مشكلتي باختصار انا زوجي مايهتم فيني ابد من زمان بس كل يوم يزيد اكثر ومع ظهور التقنيات الجديدة والواتساب والفيس وتويتر صار الادمان عليها وزادت الفجوة بينا

زوجي انسان اجتماعي جداً جداً يهتم بالناس لدرجة كبيييرة ومسوي قروبات ويهتم بالتواصل وعلاقته بالناس روعه يهلي ويرحب ويمسي فيهم يحب يحضر المناسبات ووده يبكي اذا فاتته مناسبه ولا قدر يحضر اول ماتزوجته كنت افرح اشوف زوجي اجتماعي عكسي انا انطوائيه وهادئه يجرأني في بعض المواقف بس الحين طفششششت 
الناس صارت اهم مني ومن بناته 

وقت جلوسه معي بالبيت قليييل جدا ويقضيه ع جواله ويبي يلحق ع كل البرامج وانساب وفيس وتويتر ولاين وكلهم فيهم زحمة اشخاص بالاف كيف بيلحق مادري 
وغير كذا ادمان ع الاخبار
انا ابي اتكلم اسولف طبعاً انا ساكنه بعيد عن اهلي واهله وماعندي احد الا هووو اطفش طول اليوم لوحدي ووقت دوامه طويل انتظر بس يجي عالاقل اتكلم فيه احد يسمعني او اسمع سوالف هو يجي ساكت وتلفزيون وجوال وعشا وينام
ويني انا من هذا كله ؟؟؟؟

كلمته كثير كل يوم اكلمه كل يوووم ومشاكل وخناق يصير بينا على هالسالفه ولا في فايده ما اصدق كيف اقوله ماحب مابيك تنشغل عني سولف معي ويسكت زياده ولا كاني اتكلم برررو غير طبيعي طبعا هذي مو شخصية زوجي الحقيقيه هو يحب يسولف يفتح مواضيع مع الناس مستحيل يجلس ساكت لما يجلس مع ابوي واخواني هم طبعم ساكتين شوي هو اللي يبتدي ويجيب مواضيع يقول مايصير نجلس كذا لازم اجيب شي نسولف فيه وانا لاااا

الحين انا نازله عند اهلي من امس طبعا من نزلت ماشفته بس جابني عند اهلي وهو من مناسبه والى مناسه اي شي يسمع على طول يروح زواج سخص مريض حتى لو علاقته فيه بعييييده يصر بروح وبروح يحب الناس بشكل ينرفزنيي كرهت كل شي منه 

ومن نزلنا هو مشى اليوم وانا بقعد اسبوع لان عندي زواج بنت خالي ولانه اجازه ابي اقضيها عند اهلي واغير جو ماقالي حتى محتاجه شي او ناقصك شي انتي والبنات ولاعطاني شي وانا ماعندي 

والله مقهوره
كلمته الصباح قعد يبرر انتي مشغوله البارح وفكرت نايمه ومابي ازعجك بس كلام فاضي اعرفه زوجي مايفكر فيني ولافي عياله

ادري الحل اني اطنشه واعيش حياتي بس كييف اذا مالي احدد غيره وساكنه معه في منطقه بعيده ما اطلع الا لازم هو يطلعني ولا عندي احد مجيوره اكون كذا حاولت اتوظف وقدمت بس ماردوا علي ابي اطلع من الفراغ اللي انا فيه تعبت ابي انسااااه ابي اكون مثله ودي يجي يكلمني مارد ولا ارسل له بالواتس ودي تكون لي حياه خاصه من جد تعبت يمكن تشوفونها تافهه بس عندي كبييييره وشي يقهر

عادي يصرخ على عياله عشان الناس يقصر علي وعلى عيالي عشان الناس اذا طلبوا اهله شي يطلع الفلوس من تحت الارض وانا لا كل ماعندي وانتي تعرفي الطروف وتحملي وماله داعي اللي تشتريه واشتري من عندي احس زواجي ماله داعي تعب نفسي بس متحمله عشان عيالي وين اوديهم

اخر مره رحت مع اخوي السوق بشتري جزم لبناتي وماحصلت اللي ابيه شريت اشياء ثانيه بسيطه جدا جاكيت لي وجواريب لهم يعني اقل من 100 طبعا من فلوسي وقلت له وقالي ليش تشتري ومعقوله كل هالاغراض بهالسعر انتي مو محتاجه عشان تشتري كان وفرتي فلوس لك
انا انقهررررت يكفي انا رحت السوق واشوف كل شي وانا ابي اشتري وماعندي شي يكفي وشريت غرض بسيط وطلعه من عيني كلمته وقلت له هو من فلوسي وانا ماشريت شي بدل مانت تعطيني وهذا ابسط حقوقي 
هو رده انه ماعنده لو عنده والله مايقصر  وفعلا ماعنده وانا مقدره بس تعبت ومليت الى متى تضحيه بدون تقدير صراحه 


طبعا اوضح لكم زوجي مو حق مغازل ولا هالحركات جلسته عشان ربعه وبس عشان لاتقولي وحده يحب وحده ومن هالكلام وهو طيب يصير مشاكل ويحي يكلمني عادي وانا ارد لان مالي الا هوو بس تعبت من اهماله

حالياً افكرر مارد عليه نهائي لو اتصل علي وانا ماراح ادق طول هالاسبوع اللي بجلس مع اهلي ولا برسله له ولابرد على رسايله هذا اذا رسل شي 

ابي حل جذري للموضوع وان شاء الله اكون قويه واتحمل فراقه ولا اكلمه 

ساعدوني اذا معكم حل او طريقه

يمكن كلامي متناقض او مو مرتب بس متضايقه مررره ومو عارفه كيف ارتب افكاري