زوجي ما أدري وش يبي ؟؟!!

السلام عليكم



يا بنات زوجي مزاجي وغريب وماله رأي وشخصيته متقلبه وعجيبه

ودي أعرف كيف اتعامل معه

اول ما تملكنا قال لي شوفي يا بنت الناس انا احب الحجاب الشرعي الكامل وما احب النقاب وابيك تلبسين قفازات وشراب اسود .. قلت له ابشر ولا يهمك
تفاجات بعد الزواج انه ما يصلي لا وزياده على كذا لما سافرنا شهر العسل يشرب بيره واقول له مكتوب عليها alcoholic يعني فيها كحول يقول ما عليك منهم هم بس يكتون كذا
واتصلت على استقبال الفندق وسألتهم البيره الفلانيه فيها كحول قالوا ايه فيها :mad:
انا ضااااااااق صدري مره وتهاوشت معه وقلت له ليش ما تصلي وليش تشرب قال انتي وش عرفك ؟ ثلاث ارباع الشعب ما يصلي خليك ساكته بس
قعدت طول الوقت وانا :icon33: طيب كيف يقول لي البسي حجاب شرعي وهذي اخلاقه والله انصدمت فيه

انا كنت جاهله وما كنت اعرف انه ما يجوز اعيش معه وهو ما يصلي واستمرت حياتي معه .. والحين الحمد لله يصلي على الاقل قدامي ما ادري عنه اذا طلع من البيت
واكتشفت ان شخصيته غريبه يوم يعزم مشايخ عندي بالبيت ويوم يسافر تايلند مع ربعه الله اعلم وش يسوي

يسب ويشتم في الشباب السعودي انه شباب فاسد ومضيع وقته بالتفاهات وهو يروح مع ربعه يوميا يتفرج على الدش بالاستراحه ويتغزل بنانسي وهيفا ويشيش ويلعب بلوت

ويوم يقعد عند التلفزيون ويقول اكره قنوات الاغاني ويحذفها كلها ويوم يسافر دبي عشان يحضر حفلة نانسي عجرم
مع ربعه :icon33:

اذا نام الظهر قام نفسه شينه وقال اعوذ بلله اشين شي نومة الظهر واذا ما نام الظهر قال تعباااااااان عشان ما نمت الظهر واذا نام يناااااااام كثير ويقوم خااااااااامل يقعد دقيقتين ويرجع ينام واذا قلت له وين ؟؟ قال النوم يجيب النوم ويكمل نومه لبكره

ما يستمر بعمل كل شوي مغير رايه ورايح شغل ثاني

والحين معقد عيالي يوعدهم ويخلف وعده يهاوشهم على اشياء هو يسويها

يقول لي انا احبك وانتي احسن زوجه بالعالم وهو يسبني ويغتابني عند ربعه

مره يقول مشتهي سمك واذا جا من العمل ولقا الغدا سمك يقول وش هالرييييييييحه اففففف اقول هذا السمك اللي طلبته يقول لعاد تسوين سمك تراني ما احبه انتي تصدقين كل شي
:44:
يتفلسسسسسسسسسف اكثر واحد يتفلسف بالعالم .. اهلي كلهم ما يحبون قعدته ولا يعزمونه الا في الرسمي يقولون رجلك ثقيل طينه ومنافق

ما ادري معقد ما ادري مريض ما ادري وش سالفته