زوجي ما بنى شي لمستقبلنا بسبب اهله

السلام عليكم ورحمة الله وبركاته
بحاول اختصر سالفتي وهي غصة بقلبي
لنا ٢٠ سنه متزوجين وعندنا ٤ اطفال الله يحفظهم
ساكنين بشقه فوق بيت اهل زوجي
زوجي هو الوحيد الي من اخوانه يشتغل ويكد مبالغ حلوه ،، اما باقي اخوانه فلوسهم ع قدهم
زوجي اغلب الايام يكون مسافر للشغل بحكم انه تاجر .. ضاعت سنين العمر وهو دايم بعيد وانا اربي هالعيال واقول معلش عشان يكون عندنا بيت ومستقبلهم بتحمل
لكن فلوسه ما اسس فيها مشروع ولا شي ،، يكد مثلا عشر الاف ريال ، نصهم يعطيهم اخوانه وابوه
مع ان ابوه مومحتاج بس من باب البر يعطيه وانا بهذا معاه مو ضده ،،، بس الاب مستغله استغلال موطبيعي كل شوي يقوله اخوك فلان بباله مشروع عطه فلوس ،،،واخوك الثاني يبغى سياره عطه ،،، وهو مايرد ابوه ب شي


والله ان نقتصد بمصاريفنا عشانهم ،، تخيلوا بالاخير ايش ؟؟


بعد ما فكر واستخار قال بفتح محل اشغل اخواني فيه وباب رزق لنا
وبرمضان ،،، اخوانه ٢ سرقوووه واحد خذ منه ٥٠٠ الف بالخيانه والغدر والثاني اخذ ٢٠٠ الف ،،،
استغلوا الثقه والتوكيل


مرض زوجي من القهر لان اقرب الناس خانوه وهم اخوانه الي يحبهم
وصار على الحديده
بس للاسف الشدييييييد ان الاب زعل كم يوم عليهم وقالهم اعتذروا لاخوكم واعتذرو بعد مالعبوا بالفلوس لعب هم وزوجاتهم وسفرات ،، وقالو خلصنا الفلوس مابقى في شي 💔😫 وزوجي قبل الاعتذار وصار يصرف عليهم من جديد
وكل شوي ابوه يسحب منه مبلغ


وانا وعيالي لاسفر ولا طلعات زي الناس بحكم هاللي صار
الان المحل موجود واخوانه شغالين فيه واي شي يدخل المحل ياخذونه اخوانه واحنا بس يادوووب يوكلنا ،، حتى لما بنغير جو بنطلع مجمع او ملاهي يعطينا شي قليل ،،، مو بخل فيه بس لان ماعنده
الي عنده ويكدهم كل شوي يعطيهم اهله 💔


ما جمع ولاشي حق بيت ،، عيالي كبروا وضاقت علينا الشقه وهو جدا زعلان من حالنا بس يقول لي شسوي ؟ تبيني اوقف بوجه ابوي واقوله لا


ومن اجيب السيره ينقلب علي يقول لاتتدخلين 😞