زوجي ما قدرت افهمه ،، تعالوا فهموني

صباح الخير

بالبداية أنا كملت سنه متزوجة من كم اسبوع
وتعرفون اول سنه بسبب اختلاف طباع الزوجين واختلاف البيئه اللي عاشوا فيها
بتصير شوية مشاكل بين يوم والثاني

المهم مرات تصير مشاكل والسبب العاداااات
هو عايش ببيئه الزوجه مالها كلمة ابداً ،، الرأي للزوج سواء غلط او صح
ويتدخل بكل شيء يخص المرأه

أنا مو كذا ابداً ،، شيء ما يعجبني اقول ما عجبني
شيء غلط اقول هذا غلط
واحب أتناقش مع اللي اجلس معه ،، وتحمس بالنقاش وأخذ واعطي
زوجي مايبيني كذا ابداً ،، يبي اقول إيه انت الصح داااااايم
يبيني أصير وحده ثانيه ،، هو يرسمها ويشكلها على مزاجه

أنا مستحيل أصير كذا ،، اعتبر هالشيء أهانه

حاولت افهمه ،، وقلت انت أخذتني كذا ليش اغير نفسي ؟
قال ماتوقعتك كذا ،، وسألت عنك قبل الخطبة ومدحوا شكلك بس
اما الأخلاق والطباع ما قالوا شيء

واذا قفلت معي أقوله أنا اختيارك ماحد إجبرك علي وقالك تتزوجني غصب
( أبوه خطب له وحده ورفضها وقال يبيني )

وهو كل اذا اختلفنا يقول
الرسول قال بما معناه ،، لو أمرت احد يسجد لاحد ،، لامرت الزوجة تسجد لزوجها

قلت الرسول قصده احترام الزوجه لزوجها ،، يقول انتي ماتحترميني ..!

دائماً الغلط علي
المشاكل أنا أسويها
وهو دائماً صح ومايغلط

قبل اسبوع سافرنا وتمشينا واستانسنا ومافيه أحلا من كذا
ورجعنا لبيتنا ومن يومين جابني عند أهلي لان عندنا زواج
يوم وصلنا قال ماراح تروحين للزواج نجلس ببيت اهلك او نتمشى بس أنا مابيك تروحين
قلت انت جايبني هنا علشان الزواج ،، ويوم وصلنا غيرت رأيك ؟
قال انتي ما تسمعين كلامي ،، والطيب ما ينفع معك
الاسبوع اللي راح ممشيك قلت يمكن تتعدل اذا دلعتها بس ابو طبيع ما يجوز من طبعه
ووصلت للقاعه واحنا شايلين على بعض
والساعة 10 بعد عشاء الرجال اتصل وقال مشينا قلت الزواج تووووه يبداء لاتتصل علي الا 12
قال براحتك ،، شرائك ترجعين مع اهلك صعبه انتظرك بروح لرجال ،، قلت اوك ،، والمكالمه كانت مررره رايقه
اليوم قال البارح زعلتيني كنت بأخذك وانتي رفضتي
وحاولت ارضيه وادلعه مع اني مو غلطانه ،، بس علشان ماعكر مزاجي
وطلع وهو زعلان

قبل شوي جاء وهو مكشر ونام



ما فهمته يانااااااس مااااااااافهمته
والله اليوم بكيت من القهر
حاولت معه بس ما قدرت ،، احياناً أحس انه يتغلا ،، بس وش هالتغلي اللي يرفع الضغط

يبي يفرض رأيه علي بالغصب
طيب اوك أنا اسمع كلامه ومحترمته ومدلعته ومصاريفي مو كثيره خصوصاً حافز ساعدني كثير
وابوي مايقصر كل شهر يعطيني مبلغ علشان ما ضغط على زوجي
لأن نص راتبه يروح بتسديد الديون
وش يبي اكثر من كذا ؟
يبي أقوله حاضر طول الوقت ؟
يبي اسوي شيء أنا ماأحبه علشان حضرته ؟
يبي ما يكون عندي كرامه ؟
مستحييييييل اغير نفسي علشانه

واجباته وحقوقه يأخذها كامله ،، اما غير كذا لااااااااا

هذا شيء بسيييييط من حياتي معه فيه غيرها كثير

مع كل هذا الا انه كل اسبوع او اسبوعين نطلع نتعشاء بمطعم
ونتمشى ونغير جو
بس بعدها بيوم او يومين يبدأ التنكيد


دائماً ادعي ربي ماااابي أطفال لين يتعدل وضعنا
واحياناً افكر بالانفصال
مدري فهموني
وش اسوي معه