حياكم الله أخواتي ،،
أذكر قصة تحكي لي أمي ـ الله يحفظها ـ عن واحد يبغى يتزوج .. وقال لأهله يخطبون له ،، وشرط عليهم إنها تكون بيضاء وحلوة ..
المهم أهله خطبوا له بس إنه ماشافها .. اعتمد على وصف أهله ..
ويوم جت ليلة الزواج ودخلت عليه انصدم .. موهذي المواصفات اللي يبيها أبداً ..
حتى إن أبوه جاه وقال مو هذي مواصفاتك ..
البنت كانت سمراء ومملوحة بس مو حلووه ..
قرر الولد يطلقها لأنه مايبي يظلمها .. أشار عليه صديقة قال لاتطلقها وش بيقولن الناس عنك وعنها ..
اصبر عليها فترة 6 شهور أو سنه بعدين طلقها ..
اقتنع الرجال وماطلقها ..
قعدت فتره والرجال مايحبها .. لكن ،،
لفتت نظره في بعض الأشياء .. تنام معه وتقوم قبله ،،
هاااااااااااديه جداً في مشيها ،، وكلامها ،، وحركتها ..
ريحة عطرها تسبقها قبل لا تجي عنده ..
دائما مبتسمة وبشوشة .. إنسانه مثقفة وواعية
لو يطلب ما يطلب .. قالت سمعاً وطاعة ..
مايلقى منها إلا كل شي حلوو ..
على شوي شوي بدأ يتقبلها ويحبها .. بعد ما مرت 6 شهور
بدأت تحس بتعب ..
راحت تراجع واكتشفوا فيها سرطان ..
شهرين وتوفت ..
الله يغفر لها ويرحمها ...
زوجها حبها مررررره وحلف عقبها إنه مايتزوج ..
وش خلفت بعد موتها ،،
ذكرى حلوووه يعيش عليها زوجها .. رغم إنها كانت حاسه إنه مايحبها ..
الخلاصة من القصة ،،
ترا الزوج مايحب المرأة الجوفاء ،،
تكون من برا شكلها حلوو ولكن من داخل فاااارغة ،،
إنسانه همها شكلها ومكياجها ولبسها ..
لاااا أبداً الرجال يهمه الداخل ..
بس مو معناته إني ما ألبس ولا أكشخ ولا أهتم بنفسي ،،
ألاحظ كثييير لما الوحده تكتب مشكلتها تقول .. زوجي ما يجلس في البيت ،، أو ما يحبني ...
مع إني حلوووه وبيضاء وأنيقة بشهادة الجميع وعيالي حلوين وبيتي مرتب ..
طيب ياحبيبتي ترا الرجال ما يقعد في البيت عشان مناكير حطيتيه ..
ولا عشان بلوزة من ماركة فندي شاريتها بـ 2000 ..
شوفي وش ينقص زوجك وحاولي تسدينه ..
الرجال يبي زوجه وصديقة بنفس الوقت ..
يبغى وحده لما يسولف معها توزن كلامها وتدقق فيه قبل لا تقوله ،،
إنسانه واثقة ..
مثقفه ..
واقعية ..
لها نظره في الحياة بعيدة .. تفكر في مستقبلها ..
مو نظرتها لحد خطوتها .. كل همها وش تشتري .. وش تشرب ..
وش تاكل .. وين تسافر ..
مو كأنها مثل الطبل .. منفوخه من برا ومن داخل مجوفه ..
ولا مثل الإسفنجه .. كل شي يدخل فيها وأي كلمه تأثر فيها
الرجال يحب الحرمة المعتزة بذاتها ..
نصيحة أخواتي ..
إذا حسيتي بنفور من زوجك فكري وش يبي زوجك وما حققتيه ..!!
لا تغرك الدنيا .. ترا المظاهر تروح وتبقى الجواهر ..
انتبهي لنفسك وبيتك وزوجك وحياتك ..
والله يوفقك ،،
واعذروني على القصور ,,
