زوجي ما يحب يحتفل بمناسباتنا الخاصة.. شسوي ؟؟؟

اااااااااه يا بنات
قولوا لي شسوي زوجي ما يحب يحتفل بمناسباتنا الخاصة.. والله تعبت:icon33: وانا ادور بالمنتديات عن الحركات الرومانسية واسويهن له ودائما اجيب له هدايا بمناسبة وبدون مناسبة .. وهو ولا على باله..
الصراحة حطمني بتصرفاته
احنا للحين ما كملنا سنة :09: مع بعض
اذكر يوم عيد ميلاده سويت له حفلة رومانسية جدا شموع وبالونات وورد وحركات وهو حتى ما تذكرني بكلمة حلوة
تدروا شو قال لي ترى انا ما اعرف اسوي مثل هالحركات بجيب لك هدية وخلاص انصدمت :(بس قلت له اوكيه المهم قبل عيد ميلادي بكم يوم اتصل قال ما عرفت اختار لك هدية بعطيكي فلوس واشتري اللي تبيه :09: ووافقت على مضض
وبالاخر














لا شفت الهدية
ولا الفلوس
والقهر انه جاني عشان ابيع ذهبي لانه محتاج فلوس
شفتوا حالي يا بنات
الاسبوع اللي طاف مرت سنة ع كتب كتابنا
وجبت له هدايا وحركات وكان طالع رسلت له مسج اهنيه اتصل يقول يووووه كنت ناسي لما ارجع نحتفل ولما رجع نام:angry2:
ونمت انا بحسرتي :(
المهم احنا كنا سوينا حفلة كتب الكتاب بعد اسبوع يعني يوافق تاريخ امس واخوي متزوج اخت زوجي وكنا محتفلين مع بعض وجاء اخوي وزوجته جايبين كيك وزوجي يسألني شو المناسبة:angry2:
وخبرته
لما اجتمعنا اخوي يسأل زوجي انتوا ما احتفلتوا قال له احنا مو شغلنا هالحركات والخرابيط والله يا بنات حسيت اني ببكي من القهر ومسكت نفسي بالعافية
بعدين سألته ليش ما تحب تحتفل قال لي بس هذا طبعي وتعودي عليه
وانا اللي كنت ناوية اسوي له مفاجات بعد ما اطلع من النفاس لكن لا حياة لمن تنادي اخاف اسوي ويقهرني مرة ثانية