أخت أخوها مشكوره الغاليه على ردج و يزاج الله خير

بس صدقيني ان المشكله الوحيده اللي أحس اني مخنوقه منها ... انه مب رومانسي و يا ليت ألقى موضوع انكتب عن الرجل و كيف لازم يتصرف عشان يكون رومانسي ... أبي أطبعه و أعطيه يقراه :(

عزيزتي زوجي مثل زوجك بالضبط
1 ) رجال ولا كل الرجال
2 ) الفرق بيننا 9 سنوات ( في فرق سنة وحدة بين وضعنا ووضعكم )
3 ) إذا زعلت ما يراضيني .. لا عنده قدرة غريبة عجيبة تخليه يحول الزعلة له وأنا اللي أراضيه
4 ) أبدددددداً مو رومانسي حتى كلمة أحبك صار ما يقولها إلا إذا سألته : تحبني ؟ ..يقوم يقول أكيد طبعاً أحبك وأنت عارفة الشيء ذا ( لكن مو عارف إني لازم أسمعها منه مرارا وتكرارا من غير ما أطلبها )
5 ) مايحب يهدي مو بخل لكن بكل بساطة لأنه مو عارف وش يهدي ( يحسب الهدية لااااازم تكون غالية عشان تصير حلوة )
6 ) ما يحب يطلع مطاعم حلوة هو يفضل مطاعم الوجبات السريعة ( يقول يبي يجلس على راحته )

لكن فيه فرق واحد وكبييييييييييييييييييييير بيني وبينك
أنا الحمدلله صار لي متزوجة 10 سنوات وربي رزقنا خلالهم 3 أطفال الله يخليهم لنا

اللي أبي أقوله لك إني والحمدلله عايشة أحسن من غيري كثيييييييييييييير وما كان لغياب الرومانسية ذاك الأثر في سعادتنا .. صحيح مرات كنت أزعل وأتأثر من عدم رومانسيته .. لكن حصلت عدة حلول تفيد بعض المرات منها ..

- مرات أسوي له مفاجأة .. أي مفاجأة ولا تخلينها حركة فلتة بل يفضل إنها تكون حاجة بسيطة .. شوي تعرفين ليه .. وبعدين بعد ما تعيشون الجو الرومانسي الناتج من مفاجأتك البسيطة .. قولي له يلا المرة الجاية دورك أشوف وش بتحضر لي ؟ .. عرفتي ليش قلت لك خلي مفاجأتك بسيطة ؟ لأن الرجل الغير رومانسي خياله مو واسع وصعب عليه يفكر بمفاجآت فلته فإذا كانت مفاجأتك بسيطة يحس إنه سهل عليه يسوي مفاجأة هو كمان ولا يتعقد
ممكن تحددون يوم بالشهر تخلونه للمفاجآت .. لأنكم لو خليتوها مفتوحة ماراح يتذكر لأنه المفاجآت والحركات هذي ماهي من طبعه .. وبعدين شوي شوي تلاقين العملية تحولت إلى تحدي مين مفاجأته أحلى ؟
وبعدين قومي أنت مرة وسوي مفاجأتك بيوم غير يوم المفاجأة المتفق عليه قبله طبعاً وقولي إنك غيرت اليوم عشان تصير المفاجأة فعلاً مفاجأة وشوي شوي إن شاء الله يتحسن الوضع لكن لا تكبيرن أحلامك ترا صعععععععب يجيب لك مفاجآت روووووووووووعة لأنه ما عنده خيال بس حلو إنك تشوفينه يحاول أوكيه ؟

- بالنسبة للهدايا هذاك أنت حصلت الحل بنفسك زوجك ما أهداك إلا عقب ما أهديتيه يعني من قدم السبت لقا الأحد وبعدين إذا كان مثل زوجي وأنا عندي إحساس كثير إنه مثله تراه ما يهدي لأنه بكل بساطة ما يدري وش يهدي .. زوجي مرة صارحني يوم سألته بطريقة رقيقة عن السبب وقال لي أنا أشوف كل شيء عندك .. ساعات أغلى الماركات .. مجوهرات ما تلبسين إلا ألماس .. ملابس .. جزم .. مكياج .. ما أفهم لها غير إن عندك أحدث شيء بصراحة ما أدري وشو الشيء اللي أجيبه لك ويفرحك ؟؟؟
قلت له خلاص انا أسهل عليك كل ما أشتهي شيء بقول لك عليه بكذه إذا جيت تهديني تتذكر إيش الأشياء اللي تمنيتها وتختار منها شيء يناسب الميزانية ويفرحني .. وإذا مرة مرة احترت باقة ورد جوري تفي بالطلب أو حتى لو وردة وحدة تراني بفرح فيها وهي بخمسة ريال لأن المهم الفكرة ..
وبصراحة حسيت إن هذي الطريقة نفعت شوي ولا تقولين حلاة الهدية مفاجأة .. هي بتصير مفاجأة لأنك طلبتي أشياء كثير فما تدرين هو وش اللي راج يجيب لك

- مرات وأنا أتصفح النت أشوف موضوع عن الحب .. عن الرومانسية .. عن أهمية قول كلمة أحبك .. عن فنون السعادة الزوجية .. أي شيء أرسله له بالبريد .. والصراحة أقول لك مرات ألاقي نتيجة ومرات ألاقي إعتراض من نوع ( يعني أنا ما أسوي لك كذا ؟ عاد أنت لازم تلطفين الجو وقتها وبآآآآآآآآخر دلع قولي : إلا يا بعد عمري وروحي بس مرة وحدة ما تكفي أنا طمااااااااااااعة بحبك وأنت كريم وانا أستاهل )

وترا على فكرة كثييييييييييير حريم الله يهديهم يبالغون مو شوي لا كثير بمدى رومانسية أزواجهم وأنا لاحظت إن أغلب اللي في المجالس يجلسون يقولون زوجي قاللي وزوجي سوالي أغلبهم كذابات..وأنت بنفسك راح تكتشفين الشيء هذا مع الوقت ..

فلا تقارنين نفسك بغيرك وخليك من كلام الأفلام والمسلسات وكل ما حسيتي إن زوجك مقصر معاك بناحية شوفي النواحي الكثيييييييرة الثانية اللي هو مشبعك فيها :26:

وأنصحك بقراءة كتاب men are from mars & women are from venus
وهو موجود عند جرير بنسخة مترجمة بعنوان ( الرجال من المريخ والنساء من الزهرة )
أنا شخصياً فادني بأنني أتعرف أكثر على طبع زوجي وأفهمه أكثر

وبعدين لمن تتزوجين وتخلفين إقرأي بقية السلسلة من الكتاب مثل
men are from mars , women are from venus & children are from heven

معليش أختي طولت عليك لكن لأنك مثلي حسيت فيك بقوة

أم سعود مشكوره اختي و يزاج الله ألف خير على نصايحج و الحلول اللي ذكرتيها الصراحه عملية و بحاول أطبقها و أنا متأكده باذن الله انها راح تجيب نتيجة (لاني أحس انه شخصية زوجك مثل زوجي)

و ان شاء الله بدور على الكتاب اللي ذكرتيه

و جزاج الله خير مره ثانيه :)

حبيبتي بايدك ممكن تخليه رومانسي بعد الزواج..يعني انتي حاولي تتدلعي شوية عليه و الموضوه راح يحتاج منك شوية تنازلات لكن ليس هناك من مشكلة في سبيل انجاح حياتك و ابداع الرومانسية في بيتك
تمنياتي لكي بالتوفيق :26:

شوفي أختي ترى رجالنا ماتعودو على الرومانسيه خلي هذا في بالك
وبعدين انت ممكن تغيرينه أعرف وحده أول ما تزوجت زوجها مايعرف غير الغداء والشغل والربع وجاف بعد
غيرته هي بطريقتها أول مايجي من الدوام تستقبله وهي متطيبه ومتكشخه ومن الكلام الحلو (حبيبي عمري حياتي)
وكل اليوم كذا لين غيرته وصار معها حنون مره رغم ان لهم الآن فوق 12 سنه متزوجين
وانا اول ما تزوجت كنت صغيره ودلوعه وكنت فوق كذا مدلعته اذا جلس قعدت على طول في حضنه واذا رقدنا ما اعرف انام إلا في حضنه لدرجة اني الحين حامل وماعاد لي خلق ابدا نفسيتي زفت ويتشكى مني اني ماصرت احبه ولا ابيه ومن هالكلام . فاأنت دلعيه وتدلعي عليه يمكن ينفع.