ترى يالغالية الاسلام ما ساوى بين الرجل والمراة ولا كنا هلكنا .. دينا عدل بينا وقسم الوظائف والمهام حسب فطرة كل منا .

اساليه اذا يرضيه تكونين ريال البيت ويكون وجوده من عدمه . ترى مب الرجوله ان زوجته تتحمل مسؤلية مرض العيال بروحها

انت لج المطبخ والاشراف على الخدامة وتنظيف البيت وغسل الملابس . يعني وظيفة الحرمة معروفه وباقي الامور عليه ولا هو شو خانته .

اثبتيله جدارتج في التربية والاهتمام بالبيت ونظافته وحسن مظهر زوجج لا تخليه يطلع الا وانت مدخنه ملابسه ومعطرته ساعتها من يسمع عبارات المديح من ربعه بيعرف قيمتج. وترا مب مخرب رياييلنا في الامارات الا يمعة الشباب وسواليفهم عن حريمهم وتذمرهم من المسؤليات .

كان الله في عونك

لي عودة معاك ............ مشكلتك قريبه من مشكلتي

والله نفسي افضفض مع احد يفهمني واكيد لقيته إللي هو انتي لانك مثلي ؟؟؟؟؟؟؟؟؟

عزيزتى ****
الأزواج بهالزمن ما يبغون يتحملون مسئولية البيت العيال 00 وتلاحظينه يناظر للغير ويقول : فلان مايدرى عن البيت الزوجة تعمل كل شيى 00

لا تفكرين تشتغلين وتوفرين المال لجميع مسئولياته 00 تراج بتندمين بهالحالة 000
انتبهى لنفسج شوية واهتمى بروحج 00 حتى تسكرين مواضيعه كلها 00

شكراً لكم أخواتي على النصايح...بس مب طمع مني لكن مشكلتي لها محاور كثيره وما عرف كيف ومن وين أبدأ..علشان جذيه أصبر نفسي وكلي رجاء لرب العاليمن إنه يساعدني لأنه وحده سبحانه عالم بحالي...

أختي سباقيتي حياج الله وأنا في انتظارج على شان يلتم المتعوس على خايب الرجا على قولتهم ههههههههههههههههه

خير الامور الوسط

يعني حلو لما يعطيك صلاحيات وثقه بحيث انك تتعلمين وتتصرفين وتخطئين وتصيبين ويغض الطرف

وحلو يفتح عينه الثانية وما يغفل عنكم ولا يسأل فيكم بلعكس يظل يرشد ويوجه ويدير باله

اما كيف واعتقد هذا هو محور سؤالك \ فبالدعاء والتوكل ثم العلم والتعلم ومن ثم التجربة وهي خير برهان

وفقك الله