زوجي متزوجته عن حب ولكنه بعد الزواج يشك فيني....اماااانه ساعدوني

السلام عليكم ورحمة الله وبركاته.....

راح ادخل في الموضوع على طول.....انا متزوجه صار لي سنتين ونص وماعندي عيال وزوجي على قولته انه يحبني وانا موسعوديه انا من دوله خليجيه وزوجي سعودي عسكري وانا اصير بنت عمه وهومخاطر بمستقبله وتزوجني لانه يحبني وخطبني وانا بثالث متوسط وقال ابوي خل البنت لين تكمل الثانويه وكملت الثانويه وقعدت سنه بعد الثانويه بعدين تزوجت وصارت مشكله وقت الزواج ان ابوي طلب منه مبلغ ثلاثين الف ....وتم الزواج وكان ناوي يسافر صباحية الزواج يقول انه يبي يودي ابوه لانه هو اللي جابه ولازم يوديه انا انصدمت قلت فشيله صباحية زواجي يروح ويخليني وين احط وجهي من الناس وش بيقولون سافر صباحية الزواج اكيد صار شي ....بس الحمد لله ابوه رفض انه يوديه وراح مع ناس كانوا ناوين يروحون السعوديه مع ان بوه زعل لان ابوي الله يهديه طلب فلوس والله مالها داعي....المهم ....بعد اسبوع سافرنا السعوديه وعلى طول رحنا الشقه وكانت الشقه فاضيه وكان معي مبلغ سبعة آلاف عطاني اياها ابوي ....وهوكان معه تقريبا 12الف والله ناسيه بالضبط كم.....وقمت وعطيته الفلوس اللي معي علشان الشقه وكدا ولاني احبه لويقول طلعي عيونك بطلعها ....ونمنا ديك الليله في الشقه مافيها الافراشه واغراضه يوم كان عزوبي ونمنا فيها بس الحمد الله كان الوقت شتا ولاكان متنا من الحر.....بعدين عقب ماصحينا مشينا للجنوب علشان اهله هناك وجيناهم وسوولنا عشا وقعدنا عندهم ثلاثة ايام وعقبه رجعنا ورجعوا معنا اخته واخوه ((بس اخوه هدا تعبان عنده حاله نفسيه ولانه كان ياكل مخدرات وكدا فصار ماااسح))وانا كان ودي ارجع انا وياه بروحنا مع ان علاقتي بخواته حلوه لانهم بنات عمي واحبهم ويحبوني وبعد مارجعنا بدينا بتاثيث الشقه وطلب مني اني اعطيه الدهب كله علشان يبيعه بس اني رفضت في البدايه وبعدين عطيته اياه واثثنا فيها الشقه مع الفلوس اللي كانت معاه والحمد لله اثثنا الشقه وبعده بشهرين تقريبا رحنا الجنوب علشان نودي اخته واخوه بس اخوه رفض انه يروح وكان يبي يقعد وكنت قايمه باخوه واعتبره مثل اخوي واعطف عليه لانه تعبان ومعاملة اهله مب زينه له بعدها بفتره وهنا انصدمت قالي زوجي انه ليلة الزواج يوم جاني ((واسمحولي عللى الاسلوب انه ماحس بضيق وانا ليلة الزواج ماقلتله ان الدوره علي لاني كنت مستحيه منه وكان الدم جدا خفيف وعقب الزواج استمرت الدوره تسع ايام مع انه عمري مااستمرت معي تسع ايام ....ويقول انه ماحس الابشي بسيط وقلت له ان الدوره كانت علي وماقلت لك ولو ادري انه بيقول كدا كان قلتله ان الدوره علي ....وعقبه بفتره بدا يشك في اخوه وكان يفتش بجوالي اول باول ويسالني عن كل رقم وكل رساله ويفتح السجل ويفتش الاسماء اسم اسم...كان هدا الشي يضايقني وكنت اسكت بس معاملته لي حلوه ويراعيني وكدا وباله علي اول باول.....وصارت بينا مشاااكل والسبب انه يشك فيني اداحصل دريشه مفتوحه يقول ليش الدريشه مفتوحه ويقول لا تكلمين مع اخوي ولاشي ويقول اني اطالع بالسوق ومره كانت اخته عندنا وطلقني طلقه وحده علشان دق على التلفون وتسكر التلفون وهو يدق يقول ليش تسكرين التلفون ووين كنتي يوم التفون يدق((والله اللدي لااله الا هو ان هدا السبب اللي طلقني عليه))وادا داوم الصبح يطب علي احيانا على غفله علشان يشوف وش اسوي وماكان يصدقني ابد ويتكلم علي كلام محد يستحمله ويتمنن علي ويقول انا خاطرت بحياتي علشانك وانا ماعرفت الفقر الا عقب ماشفت وجهك ويقول انتي وصخه وانتي ساقطه ويشك فيني مع اخوه وكان بس يهاوشني ولايقدر يقول لخوه شي ...اقوله طلع اخوك من البيت ادا كنت تشك فيه وريحني تراني تعبت معاك وماكنت حابه اهلي يدرون بسوالفه التافهه اخاف يتهاوش هو وياهم ويشك في الناس اللي يجوني في البيت واخلا مره تهاوشنا والسبه كالعاده يشك فيني ويقول انتي مومظبوطه ....يعني قصده اني انا نايمه مع احد ثاني غيره...وقال كلام مستحيه اكتبه لكم ....ورحت عند اهلي بالدوحه على اساس اني زايرتهم وكنت ناويه اطول....وماتخيلون يوم وداني عند منفد سلوى وش كان يقولي طول ماانا بالطريق ....ومستحمله وساكته وفووووق كل اللي سواه احبه وماقوى قلبي يدعي عليه بس قبل لاانزل قلتله (((الله يوريك حوبتي بس من غير مايظرك شي))وهو راجع بالطريق انبط الكفر وبغى يدعم....وقعدت عند اهلي ثلاث اسابيع ...وكان يدق ويسال عني وقبل لاارجع باسبوع وعدني انه يتغير وكان يقولي انه يدري مافيه شي بس من زود مايحبني يتخيل اني اخونه قلت له انت يامريض نفسي اوصايبنا عين اومسحور عالج نفسك وبعدين برجع لك ....وكان يبكي على التلفون ويقول انا ماتحمل تبعدين عني ....ورجعتله ورحنا تمشينا واعتمرنا وكدا ...بس تفاجات انه مازال يشك فيني .....وعلىا فكره يقول لوانه واحد غيري كان طلقك من اول ليله زواج بس عشانك بنت عمي بستر عليك .......ومايثق فيني ابد....وترى الخاااااافي اعظم والله لايوفقني ادا ظلمته بشي .....


والحين انا اطلب من اهل الخبره اواي وحده مرت بنفس حالتي وتغيرت حياتها للاحسن ....انه تقولي وش سوت وارجوكم لحد يدخل ويقرا الموضوع ويطلع على الاقل ادعولي ان ربي يسخرلي زوجي ويرزقني بالدريه الصالحه عاجلا غير آجل ....واللي تدعيلي لها المثل مني ........تكفون ساعدوووني ترا حالتي حاله فوق داكله يسكر باب الشقه وياخد المفتاح وطلب من المطعم او البقاله ممنوووووع ....ولافي احد يقربلي او امون عليه علشان يجوني ...الله يعافيكم افيدوووني