السلام عليكم خواتي الفاضلات
طبعا انا من مده طويله ما دخلت المنتدى .. انشغلت بحياتي اللي كلها مشاكل الحمدالله على كل حال..
انا متزوجه من ثمان سنوات .. من بدايه زواجي وريلي باااااارد حتى ليله الدخله كانت ابرد من البروود .. وماكان متحمس لي .. لدرجه اني شكيت انه يحب وحده غيري ...بتقولون ييمكن ما عجبه شكلج .. انا والله بشهاده الجميع جميله الحمدالله وجسمي ماشاءالله ما اخترب من بعد العيال واحافظ على الرياضه دايما ....
زوجي فيه صفات ثانيه خلتني اكرهه .. واطلب منه الطلاق ... مثل انه انسان انطوائي .. و صلاته مش ولا بد ... نادرا ما يخالط اخوانه وابوه ... يحب يجلس بين خواته وامه حيث تكثر الغيبه والنميمه وسوالف الحريم ...
وصوته عالي جدا على عياله وعصبي على اتفه الاشياء ..
حبيت اقولكم هالنقطه عشان محد يلومني على شي..
في السنه الاخيره .. تغيرت حياتنا للاسوء.. صرنا نتبادل الاتهامات ... كل مشكله هو يلومني انا .. وانا الومه ... اول مره طلبت منه فيها الطلاق .. بكى وقال انا ما اقدر استغني عنج .. واوعدج انه اتغير !!!!!
بس ما تغير .. بالعكس كل مره يوعدني .. .. ومش متقبل انه يطلقني ..
انا والله كرهته .. وعندي ثلاث عيال منه الله يحفظهم مستعده اربيهم في بيت اهلي ... يعني ليش اعيش ويا ريال مايعطيني حقوقي الزوجيه .. حتى كلام حلو ماشي .. ما يجاملني بهدايا .. اذا حد غلط من اهله علي ما يتجرأ يكلمهم ..
ارجوكم عطوني رايكم .. هل لي حق في الطلاق ؟؟ علما اني بديت اميل لشخص ثاني غير زوجي .. انا ما ودي هالشي وانا على ذمته بس بروده وتطنيشه لي هو السبب .. تخيلو انه مهما ابكي عنده ودموعي تنشف فليل ... يقوم الصبح ولا كانه صار شي ..
اسفه طولت عليكم بس من الضيق مب عارفه شو اكتب
يلزم عليك تسجيل الدخول أولًا لكتابة تعليق.
غروًوًب
•
الله ييسر امورك ويفرج همك ويكتب لك الي فيةة الخير ..
مثلي انا ياما طالبت بحقووقي منه ولما شفت اني بديت اخسر في هذا الزواج اكثر من اني اكسب رحت بيت اهلي بس انتي استخيري الله يخيرك ويدلك وداومي على الاستخارة بدل من الاستعجال
ضحكة هم :
شوفي الي يناسبكشوفي الي يناسبك
سبحان الله يشبه زوجي في اشياء كثييير
وبالنسبه للحل ماادري والله لو عندي حل كان شفت لنفسي
وبالنسبه للحل ماادري والله لو عندي حل كان شفت لنفسي
الصفحة الأخيرة