زوجي متغير علي وانا افكر في الطلاق منه ساعدوني يمكن انا غلطانه

السلااااااااام عليكم ورحمه الله وبركاته

بأختصار يا بنات انا بنت تزوجت من 6 شهور زوجي مطلق وعنده طفله عمرها سنه ونص تقريبا بدايه زواجنا كانت عاديه مثل اي اثنين توهم متزوجين حملت من الشهر الثاني والله سبحانه ماكتب له عمر وطاح وبدو اهله دايما يذكروني بالجنين الي طاح غير هذا دايما امه تييب طاري زوجته الاوليه لدرجه انها توريني صورها المهم حاولت انسحب منهم بهدوء للعلم اني انا ساكنه عندهم واخلي علاقتي فيهم سطحيه اللهم اني اقدرهم واسلم عليهم واتغدا معاهم اقعد معاهم شوي واروح شقتي المهم بدت امه تحن على زوجي مرتك ليش ماتيي وليش ماتنزل انا ماكنت ابين له السبب للأبتعاد عن المشاكل اقوله ياحبيبي انا بلتفت لبيتي ولازم اهتم بنفسي مو كل وقتي لأهلك واهم على عيني وراسي وانشالله ولا يصير خاطرك الا طيب المهم راضيت امه ولو اني ماسويت شي وقلتلها سامحيني اذا قصرت ومانزلت المهم بعدها حملت مره ثانيه وهم الله ماقدر وطاح .... القصه تبدي من هني قبل لا اطيح احنا كنا 2 حمل في بيتهم انا ومرت اخو زوجي هذيك كانت دايما نايمه على ظهرها والخدم يخدمونها ومايخلونها تشيل العود من مكانه وانا اطبخ وانفخ واذا نمت بالغلط او نزلت اطبخ متأخره تتصل علي امه تقولي شنو انتي ماصارت ياهل خايفه عليه كلنا حملنا وماسوينا جذي المهم كنت اسكت واقاول ميخالف عشان زوجي وامه مثل امي لازم احترمها وكانت كله تناشبني انتي ليش تكلمين امج وايد انا لو ادري انج متعلقه بأمج لهدرجه جان مازوجتج ولدي امج ماتفيدج لو تطيحين الي في بطنج ريلج يمل منج وبدال لا اخليه يكمل حياته معاج مطيحه مرتين اردله مرته وبنته احسن له مع العلم ان مرته الاوليه الله يستر عليها مسويه البلاوي المهم صار الي صار وطاح البيبي انا تعبت نفسياً بصراحه وقعدت 5 ايام في المستشفى كافي قعدت المستشفى تغم والريال تغير علي والله والله مازارني بالمستشفى الا مرتين كلمته امي قالتله يا فلان انا ابي بنتي تتنفس عندي لان اهي تعتبر والده وغير هذي نفسيتهاتعبانه ثاني بيبي يطيح منها خلها عندي لي ما تكمل 10 ايام والله والله يابنات انه نكد علي وكل يوم يتناجر وياي حتى لما اكلمه بالتليفون ماله خلقي وبس يبي يصك التليفون ولا زارني بالبيت الا مره وحده وبعد حنه ورنه واترجاه عشان ايي وامس يقولي رجعي بيتج قلتله ميخالف انا حتى لو برجع بريح ماراح اشتغل ولا اسوي شي انا ظهري فاج قال شنو يعني عناد قلتله لا يا حبيبي بس عشان انا تعبانه المهم كسرت الشرر وقلت ميخالف اروح بيتي وارجعله كنت بروح الصالون والسوق عشان اذا رديت اتغير عليه يعني اسوي نيو لوك مثل مايقولون :42: قلتله حبيبي بروح السوق مع امي قال لا يالله ماتروحين وقعد يصارخ وسد التليفون بويهي دقيتله مره ثانيه اشفيك حبيبي عسى ماشر قعد يصررررررررررخ و هم صكه بويهي حاسه ان ذلنييي وامه وايد تعايرني في بنته الريال متغير علي دزيتله مسج قلتله مشكور وماقصرت رد علي قال حياج الله يعني هذا رد يرده علي محسسني جنه لاقيني بالشارع الله يخليكم ساعدوني انا ما افكر ارجعله لا هو ولا اهله واسمع حجي يسم ساعدوني الله يخليكم :(