زوجي متغير معي

مرحبا يا بنات ان شالله انكم بأحسن حال
حابة استشيركم بموضوعين الموضوع الاول زوجي اله فترة متغير معي كثير اي كلمة اي تصرف مني بصير يعصب ويقلبها مشكلة وأشياء بتكون تافه او اشياء احكيها يكون القصد منها واضح بس يعملها مشكلة
وحاسة مشاعره الي قلت وبطل يحبني مثل قبل
حتى انا حاسة مشاعري قلت وحبي اله قل بس والله بسبب تصرفاته معي ايام الخطبة وأيام لما كنت حامل كان يحبني اكتر يسأل عني اكتر يهتم في اكتر هسا اغلب اوقاتنا خناقات ومشاكل ويوم يكون منيح ورايق ويوم لا وعصبي كتير ولما يعصب يصير يغلط ويشتم وانا ما احب احد يغلط علي وما اتحمل وما اعرف اعدي الموقف بقلبي وتراكم جواتي المواقف كلها وما انسى شيي

الموضوع التاني هو اني ما احس بالمتعة الجنسية معه وبحس اني عبارة عن اداة او وسيلة حتى يستمتع هو وانا لا هل هذا برود ؟ولا السبب انه ما يسوي مقدمات ولا شي يفكر انه العلاقة اله بس هيك احس امانة يا بنات نصحوني وقولولي شو اسوي والله تعبت جدا تعبت نفسيتي 💔💔💔💔