زوجي متغير و يتضايق .. وابي اسوق عشان افتك

السﻻم عليكم

مساء الحب بنات♥
شحالكم
عساكم بخير


انا موضوعي شوي غريب
يمكن وﻻ وحده فيكم مرت به

اوﻻ انا متزوجة من سنتين وماعندي عيال
وموضوع عيال شاغل بالي وتاعبني نفسيا
وزوجي يبي ويضغط علي ونغزات من الناس وأتألم وابكي
والف الحمدلله مازلت افضل عن غيري



بنات انا تزوجت وكنت ارمس ريلي فالملجة
وكنا متفاهمين
ونحب بعض بزود
هو طيب وحنون ومايستغلي شي فيني
مرت الايام والاشهر وتزوجنا
باول الزواج كنا سمن على عسل
وعقب بدى يرجع يصير انسان عادي ولسانة شوي طويل وعصبي
قلنا ماعليه وكنا دايم نطلع ويا بعض
نروح كل مكان وجيه

فجأه انقلب الوضع
يطلعني بشكل قليل يعني ساعه كل يومين وكله بالسيارة
ومع الوقت تغير
وصار ساعات ينل مني علما انه انا انا ماتغيرت وﻻ اغثه وﻻ شي
تم يحن لربعه عقب
والحين صديقه 24 ساعه يطلع وياه من العصر الى الليل - الله يصرف هالصديق اللي داش عرض

المهم صار الحين مايطلعني ابد الا بالشهر مره وبجون نفس وكله ساكت
وانا اشوف سﻻيفي يطلعون يوميا وفنادق وجيه
ﻻتقولون حسوده ... والله اني ماني حسوده بس لو وحده عايشه فبيت واللي نفسها يطلعون و وويا اوواجهم ودلع عيني عينك طبيعي يغار

قلت ماعليه
ساعات معي مواعيد بالمستشفى ويشلني بعد كﻻم زي التيس<<< مدري هالتشبيه جا ع بالي ﻻن فاق صبري

وصار يرميني على اخوانه يقولهم انا مشغول ودوها
قسم بالله العظيم معظم مشاويري واحتياحاتي من السوق اقضيها مع اهله
لما اشوف احد من اهله الحريم رايح اقولهم بروح معكم


كل هذا واقول الحمدلله
نجي للموضوع الاشين
انا اداوم ... بحكم اني مو سعوديه وﻻ عايشه بالسعودية يعني مجتمعنا هنيه كل الحريم يسوقون

خليكم من باب الحﻻل والحرام
انا اداوم ومسموح اسوق بنقاب وغفاز مافيها شي
ومحد معي يوديني يقول شلي هالفكرة من راسج
ودايم ادور عن اللي يودون ويكون حريم ويرفضن مايبن
ومعارض فكرة السواق والتاكسي
ولنا ياخذني الدوام
يقول كﻻم يجرح قلبي

المهم السؤال
كيف ارجعه زي اول اخليه يطلعني؟؟
صرت بالاشهر مااطلع ابد اتفرج ع سلايفي واهله وطلعاتهم وانا ساكته
وربي بتجيني جلطات من الملل والقهر صرت اوسوس
وافكر وانتحل حتى جسمي من الوحده واافكار

للشي الثاني كيف اقنعه اسوق سيارة
ﻻن لو سقت مابي منه شي بطلع بكيفي وبجي بكيفي
مالت ع هالازواج

مدري ايش يقلب مخهم
وتصير ضيقتهم بطرف خشمهم
لي الله

مدري ليه خليت اسمي بعالم حوا احاسيس غير ماحطيته
ياصبر ايوب