زوجي متقلب المزاج

عزيزتي هاذي طبيعة السنه الاولى للزواج
اوكلنا مرينا فيها
اصبري وحاولي تغيرين من طبعه
وابعدي ان الاشياء اللي تعصب فيه
تصدقين لي 6 سنين متزوجه مافهمت زوجي الا بعد اربع سنين زواج زالحمدالله لي سنتين ومشاكلنا قليله

اختي ماريا الله يعينج عليه واجهيه وخليج حازمة وياه ومو كلما زعل بدون سبب رحتي عرضتي ويهج عليه واعتذرتي له على شنو تعتذرين لا تكبرين راسه عليج اكبر من هالكبر اسفهيه والله مايذبح الرياييل الا الحقران والتطنيش اسأليه مرة وحدة شفيك؟ اذا جاوبج بنفس شينة طنشيه كيفه وسوي الواجبات اللي عليج من ناحيته وخلاص
واصبري عليه .

او انج مثل ماقلت لج : صارحيه قولي له انا انسانة من لحم ودم شنو هالمعاملة هذي اذا قصرت معاك بشي علمني على شان ابررلك سبب تقصيري. ومن هالحجي.واذا مافاد معه التفاهم مالج الا انج تحقرينه وصدقيني بيمل من نفسه ويتعدل.
والله هالرياييل كله جذا يدخل من الدوام شايش و متهاوش مع اللي وياه بالدوام وما يقدر عليهم واذا رجع للبيت حط حيله بالضعيفة اللي جدامه. طيب بنت الناس شعليها حمدالله والشكر وتالي تيي الزوجة وتسأله بكل براءة شفيك؟
وعاد هو شايش وخروا عنه حمدالله والشكر لا يحوشكم شي من طشار الهواش .
اذا شفتيه شايش او من تحسين مزاجه انقلب على طول احقريه وانتبهي لا تعصبين وياه خليج بااااااااااااردة ابرد من الثلج لا تقولين ما اقدر حاولي تمسكين نفسج اذا عصب لان مو عدل هو معصب وانتي معصبة.
وشوفي من يصرخ عليج لاتردين عليه خليج ساكته اسمعي وبس حتى لويغلط عليج اسكتي لان اذا سكتي ومارديتي عليه والله بيحس بالغلط وبيعتذرلج من نفسه.
بس شوفي نصيحة لا تخلينه يتمادى عليج ويمد ايده عليج انتبهي من يوصل لمرحلة الضرب
خلي احد من اهلج يتدخل لأن خلاص من يوصل الريال لمرحلة الضرب هذا ما منه علاج.
وحتى لومرة وحدة يضرب لا تسكتين خلي اهلج يتفاهمون معه.
بس ان شاء الله مايكون من هالنوع.
والله يسهل امرج وياه.

الف شكر شكر لكي يا هايدي ومنهاتن والله خففتو عني شوي والله العظيم واتمنى تعطوني من خبراتكم والاشيا اللي تعرفونها عن الرجاااال