زوجي مخاصمني..

مرحبا بنات..
عندي موضوع حابه نتناقش فيه من باب الترويح عن النفس
واستخلاصاً للفائده..
بالنسبه للخصام بين الزوجين حابه اعرف منكم كم تجلسون
متخاصمين مع بعض ومين يبدأ بالصلح.. :booo:
واذا في بنات عندهم حيل حلوه للصلح وكسر حاجز الصمت
ياريت يزودونا فيها.. :37:
مع العلم ان هاذي اكبر عقده اعاني منها في حياتي..
وهي مسأله الصلح..لما ازعل من احد مااعرف اراضيه؟
واجلس زي الهبله احترق بنار الانتظار استنى مبادرة الطرف الثاني

وياما صارت لي بلاوي مع اهلي بسبب طبعي الزفت..اذكر اني
جلست متخاصمه مع واحد من اخواني ثلاث سنين وللاسف لما
رجعنا نكلم بعض النفوس اتغيرت ومارجعت علاقتنا زي زمان
ابداً..(واخوي ذاك نفس طبعي تماماً).
وبصراحه ما كانت وقتها مشكله كبيره لانه اهلي كانوا يستسلموا
ويراضوني ..
لكن بعد ماتزوجت عانيت كثير من هاذي الصفه الذميمه اللي قلبت
حياتي نكد لانه معروف ان الحياة الزوجيه ماتخلى من المشاكل
والصدامات في الاراء والقرارات وزوجي من النوع الطيب اللي
يفوت كثير لكن احياناً يعند ويستنى مني مبادره ..
لكن هذا مايعني اني ماحاولت ابادر بعض المرات لكنها كانت مبادرات هبله وضعيفه(نظراً لعزة نفسي الطاغيه علي)
لدرجة ان زوجي قلي لو جلست ساكته
كان احسن لك.. :crap:

وبعدين انا ماتحمل ابد اني اصالح من غلط علي وهو احياناً يغلط علي ويرفض يصالحني ولما اغلط عليه اجهز نفسي عشان اراضيه الاقيه جا طيران يصالحني.. وصار الخصام بينا يوصل لمواصيل صعبه تتعدى ايام وتقرب
من اسابيع وانا مابغى توصل الامور بينا لكذا..
وما ابغى وحده تقول اتكشخي وروحي سمعيه كلام حلو وصالحيه
لانه مستحيل اعمل كذا صعب عليا ومو طبعي.. :16:
عموماً انتم احكولي قصصكم يمكن استفيد..