زوجي مخلي حياتي كتاب مفتوح !! وناوي يتزوج

زوجي مخلي حياتي كتاب مفتوح !!
السلام عليكم
انا تمشكلت مع زوجي قدام اخته واضطريت اشتكي عليه عندها
ماكملت كلامي وقالت لي حنا ندري عن كل شي الكل يدري حتى اخواني .. زوجك قال وقال وجابت لي سوالف قديمه تفاجئت مافي احد من عيلتهم مايدري ..
واخته الثانيه .. قالت لي اتصل فيك وماتردين قلت لها جوالي فيه خلل .. قالت صحيح نسيت زوجك قال ..
قلت لها افكر اشتري ملابس .. ترد علي اي زوجك قال
انا مانمت البارحه .. اي زوجك قال ..
وش ذا ... كل شي بقوله لها تقول زوجك قال زوجك قال
مالي خصوصية ابد ابد ...
وفي المشاكل كل شي يوصله الى اهله بالحرف الواحد و مايقول الي هو سواه
والله العظيم مصدومة منه
وبسبب المشاكل يقول لاخته يبي يطلقني او يتزوج علي
وش الحل معاه
المشكله عندهم الرجال لازم يسوي اللي يبغاه والبنت تسكت وما تتكلم ..
يعني تقول اخته غلط عليك اسكتي طنشي
سوى اي شي اسكتي وطنشي
وما يشوفونه غلطان في شي
اشتكيت عليه عند ابوي قالت غلط تشتكين ..
اكبر غلططططططططط تقولين لابوك عشان الرجال مايحب كذا
اقول لها اخوك ما خلى شي مايقول لكم انتي واخوانك حتى اخوانك الرجال يقول لهم وابوي يدري غلط ؟


وتقول قدامه اذا مانشوف له عروس هو يقدر يشوف عروس ..
ياربي الكلام يغث
والعقليات تعبانه ..
والله احترت ماعرف شلون اتصرف معاه هالجاهل