زوجي مدمن ايباد

السلام عليكم ورحمه الله وبركاته
صراحه مالي غيركم استشيركم واعرفكم ماتقصرون يابنات عالم حواء
من شهرين زوجي اشترا لي ايباد هديه طبعا بالبدايه فرحت فيه وصرت استخدمه بس بعدين رجعت علي الابتوب لاني متعوده عليه وتركت الايباد شبه نهائي
المصيبه زوجي ادمن عليه طول الوقت ماسكه مليت وربي احس نفسي وحيده الاول نجلس من بعض نشاهد تلفزيون نطلع نتمشي الحين ابد ولا شي حتي وهو جالس علي العشا والايباد بيده والله ماكذبت بعض الاحيان اساله مايرد علي ولا كاني موجوده
ماقصرت تخانقت معاه يتركه يوم ويرجع قلت ممكن مقصره بحقه لبست كشخت سويت وطبخت ماخليت شي وابد لا حياه لمن تنادي تخيلو يجي من دوامه الساعه 3 ونص يتغدا وينام يصحي علي الاذان بس يصلي وعلي طول علي الايباد حتي لما اناديه للعشا يجلس وبيده الايباد ويخلص العشا وكل شي وهو لسي علي الايباد ويجلس عليه لين الساعه 1 او 2 وايام اجازته للصباح لين ينام انا طفشت بجد مو عارفه وش اسوي حتي فكرت اكسره او اخربه بس اكيد بيحس وممكن يهاوشني تكفووووووووووووون طلبتكم شوفو لي حل وربي اكتب ودموعي علي خدي لا نسولف ولا نجلس ولا نطلع ولا نسوي اي شي ماغير ساكته وملانه وهو علي الايباد كاننا عزابيه مو متزوجين الله يخلي كل وحده بترد علي ويحقق لها امنياتها يارب