(( زوجي مدمن سفر ولا اريد له السفر لوحده ..ََََََََََََََََََََ!!!!!!!!))

باسم سيدي ومولاي أبدأ
زوجي سافر خلال الأشهر الماضية سفرتي عمل..بدوني وبدون الأبناء طبعا.والآن أقبلت العطلة ،والذي يبدو أنه يخطط لسفرة خارجية مع صديقه المفضل_أبعده الله عنه بعد المشرق عن المغرب_ لذا هو الآن يبدي رغبته أن نسافر نحن والآبناء لجدة أو الشرقية _تسكيتة لنا طبعا_وحتى يبدأ يقول:(أنا وديتكم ماقصرت أبغى أروح أغير جو ..أنا مكتوم..)ويبدأ يستعد استعدادات من أجل سفرته:،الغلاية،النعناع،أغراض الطبخ ،التمر، الشاي...وقبل هذا وذاك فرحة غير عادية ..يكاد يطير من الفرحة...(وكل هذا مايصير منه بسفرتنا العائلية)ويسافر حتى الريال ماأعطاني -بحجة إني موظفة-..عشان كذا هالعطلة رفضت أسافر عشان مايبدأ بالموال المعروف....
زوجي طبعا مدمن للسفر للخارج من أكثر من عشر سنوات،وكان يدعي إنه يسافر داخل المملكة إلى أن كشفته بيوم من الأيام..وأنا يرفض سفري للخارج ...مع إنه وعدني قبل آخر سفرة إن السفرة القادمة برفقتي وحلف يمين إنه يوديني وكذب وخدعني وماهي أول خدعة أوخيانة...أتألم أشد الألم إنه يستمتع مع غيري ،أو بالأصح يبحث عن المتعة مع غيري.
طبعا هذا طبعه في كل الأمور ..يمشي مع أي صديق ..يفطر مع أحد منهم أيضا..يسهر معهم ..يتعشى معهم,وأنا وقت الطوارئ ،تصدقون صرت أحس إنه دمية في يد الأصدقاء متى ماكانوا فاضين يطير لهم ولايقول لا وإن مااتصلوا اتصل،وإذا كانوا مشغولين مع زوجاتهم أتاني يجر أذيال الهزيمة.
.ولاتقولون إني ماعرف أبسطه ,أوإمرأة ماتعرفين تجذبينه..ومقصرة بحقه أنا أعرف مثل اللي تعرفون وأكثر ..وطيبة معه ,ومايكرهني ..بالعكس..وصبرت على أشياء كثيرة منه،وحطيت أمه سنوات في عيوني ،وأخطأت علي وجرحتني بالكلام وأنا أحسن لها،وقدمت لها والله اللي ماقدمته لأمي،،، وعشان تكشفون معدني ومعدنه خذوا قصة نموذج:
بعد ماتزوجته بسنتين تقريبا عانى من ضائقة مادية ،وتعبت نفسيته ،والتفت مالاقى أي معين ..وجمعت كل ذهبي وأصريت إنه يبيعه ويسدد إلي عليه....باعه بفوق عشرة الآف ،وارتاح،وقال مدة بسيطة واسدد لك ،ومرت فوق عشر سنوات لاهو سدد ،ولأنا قد جبت سيرة لا له ولا لأي مخلوق...تخيلو إنه خلال هالعشر سنوات مرت سنة كاملة يرمي علي فاتورة الهاتف ويقول:سددي أنت اللي تكلمين موأنا _وكانت وقتها تخيلوا غني وما كنت موظفة..كنت أبكي بين إيدينه ،ومايرحمني ،ثم أروح أبيع أي شي ذهب عندي قد جاني هدية ,أبيعه وأعطيه يسدد _ويمد يده يأخذها اللي مايخاف من الله_ماأكرمهن إلا كريم وماأهانهن إلا لئيم _(أناأشهد)
وأنا من تزوجته أطلبه ساعة عليها القيمة وماقد عطاني وجه وياعدني كم مرة ويخلف ويوم جاء يوم شرى لي ساعة غالية قال :لأن لك موقف معي ماأنساه،(وإلى الآن (زربني )وطلع روحي عندها ألف مرة..نسيتي الساعة اللي شريت لك..._تحسبونه قال الدين اللي تبغينه مني لا(وكأنك أنت المنعم المتفضل)

خلاصة الكلام:سفره للخارج يقتلني كل مرة ألف مرة..خواتي إخواني كلهم يسافرون للخارج مع عوائلهم إلا أنا مرمية أنا وأبنائي ..مع إني متميزة أكثر منهم وبشهادتهم..ولعلمكم لست حريصة على السفر للخارج ،لكن ماأبغاه يسافر لوحدة.....السؤال :ماأسباب مايصدر منه،وماالوسيلة المجدية لتغيير رأيه؟؟؟؟؟؟الجواب:أنتظره من رجل!!!!!!!