زوجي مدمن ماني عارفه شاسوي معاه ؟؟امانه ردو جعل ربي يرزقكم ما تتمنونه

السلام عليكم ورحمة الله وبركاته
اخواتي والله ابي نصيحه اخت تفكر بعقل كبير وحكيم
ارجووكم ردو علي باسرع وقت لاني احتاج للاجابه بسرعه
اخواتي مشكلتي في زوجي انا انسانه خاف ربي وهو بعد
لكن هو مشكلته بالموسيقى يحب يسمع موسيقى الدنس الي مافيها صوت
بس موسيقى ؟؟ هو مدمن على هالنوع من الاغاني وكله قاعد بالكمبيوتر
يسمع هالموسيقى تخيلو يقوم من النوم عليها يرقد يحط سماعات ويسمع
بالسياره يسمع بتلفونه ؟؟؟ لدرجه انه متعرف على ناس بالنت يحبون هالموسيقى وكل يوم
يسولف وياهم بالشات والله ان اللمت مال النت يرووح بس بسبه الاغاني الي ينزلها
انا ماسوي شي غير ادش المنتديات؟؟ الحين طالع لي فيها لاقي له برنامج يالف هالموسيقى
وقاعد يالف فيها ومستانس على روحه ساعات يسمعني اياهم وانا مالي بهالسوالف
بس هو من كثر فرحته انه الف نوتات يسمعني ؟؟ اضطر اجامله لاني اشوف الفرح بعيوونه
مابي اكسر بخاطره ... بس بداخلي انقطع مابيه يتمادى بهالموسيقى الاجنبيه المخيفه
والله اني لين اسمعها احس راسي بينبط من قووة الصوت ؟؟؟
تقول عمتي اني لين اروح بيت اهلي يصك على روحه باب الحجره ويطوول عالموسيقى
بس مادري شيسوي داخل الحجره ؟؟؟ احيانا يبيني اطلع من البيت بس عشان يستمتع بسماع الموسيقى بروحه ؟؟؟ آآة آآة صبرت على كل هذا وققلت مره بيعقل وربي بيهديه ان شاء الله
خصوصا انه انسان يخاف ربه ويواضب عالصلاه ومايحب يظلم احد ولا يحسد وفيه
خصل واايد زينه بس عيبه الكبير ادمانه عالموسيقى هذي الي احس انها مقامه باسلوب تخلي
الانسان مايقدر يهدها والله ... خلو هالي قلته كله بصوب مشكلتي مو هني
مشكلتي الي جايتكم عشانها ان زوجي يبي يحضر حفله لديجي لمثل هالنوع من الاغاني
وستقام الاسبوع القادم ؟؟؟ هو قال لي من قبل يبي يروح وانا مارضيت وبشده
وتهاوشنا عدل بشكل ماتتصورونه وانا مصدومه انه بس عشان هالموسيقى اللعينه زفني
وبغى يطلقني ؟؟؟تخيلو انه قال لي انتي تروحين عروس وفيها اغاني ويمكن ترقصين
ليش ما ترضين اروح هالحفلات ؟؟ قلت له فرق السما والارض بين الاثنين
حفلتك بها اختلاط بها رقص بها جنون ؟؟؟ بها كفر وبعد عن الله انا والله ماارقص بالعروس
ولا احب الاغاني وهو يعرف بس يب يدور اي عذر والسلااام المه عدت ذيج الفتره على خير و
تصالحنا اليوم جاني يقول في دي جي ياي ويبي يروح له والحفله بتصير هالاسبوع يمكن السبت
او الاحد ؟؟؟ وقال هالمره بروح مو مثل الي طافت خربتي علي ؟؟ قلت لا ما تروح
قال لي لا بروح غصبا عنج ؟؟؟ وراح ورقد الحين انا نار تشب فيني
ماعرف شاسوي ؟؟ اخليه يروح لانه قال لي انها بس هالمره الوحيده الي بيروح بعدين مابيروح؟
هو يحب هالشي ويحب هالاغاني بس انا اخاف انه لو رضيت ربي ياقبني ؟؟ واخاف
لو رفضت تكبر المشكله نفس المره الي قبلها؟؟
انا شخصيا مابيه يروح لان السالفه فيها اختلاط وتعرفون نوعيه البنات لمثل هالحفلات؟
وزوجي مينون ادري به اذا دش هالجو ينسى روحه عدل ... انا ادري انه يحب هالشي
وماودي امنعه من شي يحبه بس لانه حرام ومو زين وانا اغير عليه من البنات الي هناك؟
مادري مادري مادري شاقول شاسوي ؟؟؟هل اخليه يروح بس هالمره على قولته مره وحده وبس
ولا ما ارضى ويجيني الي يجيني منه؟؟؟ارجووكم ردو علي بحكمه ارجووكم