زوجي مدمن منشطات حرمته عيونه النوم

قلبي الله يصلحه يارب ويدله للحق .. من رأيي تواصلي مع مستشار اسري عندك مركز ابن باز الخيري او مركز التنمية بالاحساء او اذا تبغين مستشارة اسرية عندك مركز اسيه وكله من خلال التلفون مو شرط تروحي اكيد مر عليهم حالات نفس وضع زوجك وراح يعطونك الحل الامثل بحكم خبرتهم وعلمهم ..
والامر الاهم الدعاء ادعي كثييير بأن الله يعصمه من هالامور ويرده للحق ويهديه ويسخره لك .. الدعاء السهام اللي ما تخيب ادعي وانت موقنه وعندك ثقة بالله لان الله هو المعطي والمانع سبحانه ..
الله يفرج لك يارب ..

الله يجزاك خير ياعزيزتي ويوفقك ربي ويحقق لك كل ماتتمنين

الله يعينك لازم تدخلين أحد من أهلك وضعه ماينسكت عنه .او اتصلي على مستشفى الاامل يسحبونه سحب .نفس معنا تك بس زوجي الحمدالله برادة دخل المستشفى ومنوم له سبوعين

هلا بك ياغنج الصبايا هو متوظف في شركة واخاف يضيعها علشان مستشفى الأمل وانا حاولت معاه ورفض واهلي انا رحت عندهم أكثر من أربعة شهور ماخلاني في حالي انجن يوم رحت من عنده ازعج اهلي واخواني واعمامي بالاتصالات وانتي كيف اقنعتي زوجك ودخل مستشفى الأمل

سبحان الله نفس حالة زوجك يوم يتعاطى .لاالمستشفى يعطونه اجازه يرسلون خاطب الشركه انه منوم بس ما يقولون مستشفى الأمل . أربع سنوات وأنا أعاني منه وكل يوم مشاكل وضرب وشك وكل يوم منحاشه لااهلي بس بقدرة قادر والحمد الله بعد محاولات مني وقناعة تامه من نفسه دخل المستشفى زوجي كان يستخدم حشيش وحبوب . وزوجك وش يستخدم