@@ زوجي مدمن وش اسوي @@

السلام عليكم
اخواتي جايتكم ابي الفزعه
تعبت وانا ساكته وصابره واقول بكرا الايام تغير اللي ما يتغير بس للاسف كل يوم الحال تزيد تعقيد

مشكلتي في زوجي


انا متزوجه لي 9 شهور بس .. تخيلوا 9 شهور واحس اني بموت من القهر
زوجي مدمن للاسف وما ني قادره اعلجه من ادمانه هذا حاولت بكل الطرق لكن للاسف كل الطرق فشلت احس اني بجحيم كرهت العيشه معه بسبب ادمانه للتلفزيووووووون :( :( :(


تخيلوا يا عالم حياته كلها روتين واحد

الناس لما تقوم من النوم تسبح وتهلل وهو يقوم يغسل ويجلس عند التلفزيون حتى مرات ينسى يصلي الفجر الا لما اذكره.. :icon33:

بعدين يروح الدوام وما يرجع الا بعد العصر وبعدين يجلس عند التلفزيون لحد الليل تخيلوا الغداء والعشاء عند التلفزيوون :(

وما يقطع تركيزه على هالقنوات الى انه يتذكر انه لا زم يطلع يدخن !!

حتى الصلاه اغلب الوقت يصلي في البيت !!!

وبعدين يروح ينام صدقوني يا عالم ما نسولف .. لما نجلس مع بعض هو يتفرج وانا ياويلي لو اقاطعه يلتفت علي وهو معصب ويقول وشوووووو والله لو عندي سالفه اهون اقولها :D

مع انه طيب وحنون ويحبني وانا بعد احبه وما يتحمل ازعل منه و حتى لما اروح زياره عند اهلي صدقوني الساعه 10 بالكثير يخليني برا البيت بس مطنشني طول الوقت ولا كاني موجوده وكل ما اقوله طفشانه ابي اطلع يقولي " تعبان ودي انام" اكيد تعبان من التسدح عند التلفزيون :(

ولما يدخل ينام يقولي تعالي نسولف شوي وادخل انا فرحانه بيسولف معي .. :39: يقولي كلمتين متغصبهم مدري من وين وبعدين يقول يالله روحي خليني انام والا اسكتي ...!!! :icon33:

ابي حل يا عالم

1\ كيف اقدر اخليه يصلي بالمسجد ويحرص على الصلاه وعلى الخير

2\ كيف اقدر انقذه من ادمان التلفزيون اللي طول النهار والليل عليه ومن الافلام والاغاني

3\كيف اقدر اخليه يترك التدخين

4\ كيف اخليه يسولف معي ويحس فيني ويطلعني باختصار يعبرني
انا في بالي فكره اذا نجحت كان بها او بينخرب بيتي الله يستر ادعولي

وشكرا