زوجي مدمن وعندي ولد واريد الطلاق

السلام عليكم ورحمة الله بركاته
عمري 26 متزوجة من سنتين ونص وعندي ولد
وانا عند اهلي من سنة بسبب ادمان زوجي للحشيش واهماله الشديد للعمل ومسؤولياته وحتى ديونه واجار البيت دفعه ابوه ولكن عندي أمل في الله كبير انه يصلحه و انه يرجع افضل
ما ودي اظلم نفسي وطفلي ولكن الامور كلها تصير للأسوء ونقاشاته كلها بدون فايدة تهديد ورفع صوت
واهله تدخلهم في الموضوع جدا سلبي مالهم دور ابوه يقول ارجعي وانا راح اتابع معك حالته وسريا وامه في البداية كانت في صفي وتدعي له والحي في صف ولدها وتقول اني ما اصبر
و اخر مره يقول انه ترك كل شيئ وانه يبي عياله وحلف ولكم الي تبون ويبي فرصة ولكن مافي اي شيء يثبت سأله والدي عن عمله قال الحين اداوم في شركة كذا سالنا عنه مش موجود اسمه في الشركة وغير كذااسمه مو في التامينات بكبرها فعرفنا انه يكذب وصارحناه قال كيف انا في عمل وهذي خصوصيتي مالكم حق تسألون وراي وانتو همكم بس الفلوس فعرفت اني في وادي وهو في وادي ثاني وماعاد صرت اثق فيه وما احس بالامان والاستقرار
الحين افكر بالطلاق فعليا كان عندي امل كبير بالاصلاح ولكن مع الاسف نفس وضعه اذا مو اسوء ويرفض الطلاق فكيف اجراءات الطلاق بالنسبة للي زوجها مدمن وهل تكفي المحادثات اثبات ؟ افيدوني جزاكم الله خير